:: IT Capsule ::

ഓൺലൈൻ അക്കൌണ്ട് ബാക്കപ്പ്

2010-01-25T22:57:00.000-08:00

ഇത് ഓൺലൈൻ നെറ്റ്വർക്കുകളുടേയും സോഷ്യൽ നെറ്റ്വർക്കിങ്ങിന്റേയും ഫോട്ടോ ഷെയറിങ്ങ് സൈറ്റുകളുടേയും മൈക്രോ ബ്ലോഗിങ്ങിന്റേയും

കാലം... ഒട്ടുമിക്ക കമ്പ്യൂട്ടർ ഉപയോക്താക്കളും ഇതിൽ ഒന്നിൽ അധികം സർവീസുകൾ ഉപയോഗിക്കുന്നവർ ആയിരിക്കും.

ബ്ലോഗറിലോ വേർഡ്പ്രസിലോ ഒരു ബ്ലോഗ്, മൈക്രോ ബ്ലോഗിങ്ങിനായി ട്വിറ്ററിൽ ഒരു അക്കൌണ്ട്, ഇമേജുകൾ സൂക്ഷിക്കാൻ പിക്കാസാ വെബ് ആൽബം / ഫ്ലിക്കർ, ഈമെയിലുകൾ ജീമെയിലിൽ, ഡോക്യുമെന്റുകൾ സൂക്ഷിക്കാൻ ഗൂഗിൾ ഡോക്സ് അങ്ങനെ ഒട്ടനവധി സാധ്യതകൾ.

ഇവയിലെല്ലാം സൂക്ഷിച്ചിരിക്കുന്ന അസംഖ്യം ഫയലുകളും വിവരങ്ങളുടേയും ബാക്കപ്പ് സൂക്ഷിക്കുക എന്നത് തീർച്ചയായും അൽ‌പ്പം ബുദ്ധിമുട്ടേറിയ ഒരു കാര്യം തന്നെയാണ്.

തുടർന്ന് വായിക്കുക ..

ജാലകം അഗ്രിഗേറ്റർ - പുതുമകളോടെ !

2009-11-28T03:44:00.001-08:00

മലയാളം അഗ്രിഗേറ്ററുകളുടെ ചരിത്രത്തിൽ ഒരു പുതിയ വഴിത്താര തെളീച്ച് കൊണ്ടാണ് ജാലകം അഗ്രിഗേറ്റർ മലയാളം ബ്ലോഗുലകത്തിലേക്ക് കടന്ന് വരുന്നത്. ഈ വർഷം ആഗസ്റ്റ് 31 ന് പുറത്തിറങ്ങിയ ജാലകം അഗ്രിഗേറ്ററിന് ചുരുങ്ങിയ കാലം കൊണ്ട് തന്നെ ബ്ലോഗ് വായനക്കാരുടെ ഇടയിൽ സാന്നിദ്ധ്യം ഉറപ്പിക്കാൻ കഴിഞ്ഞു എന്നത് അഭിമാനകരമായ ഒരു നേട്ടമായി ഞങ്ങൾ കണക്ക് കൂട്ടൂന്നു. ജാലകം അഗ്രിഗേറ്റർ പുറത്തിറങ്ങിയിട്ട് മൂന്ന് മാസം തികയുന്ന ഈ അവസരത്തിൽ അഗ്രിഗേറ്ററിന്റെ ഭാഗമായിട്ട് ഒരു റീഡർ ലിസ്റ്റ് അഗ്രിഗേറ്റർ കൂടി തുടങ്ങുകയാണ്. വായനാലിസ്റ്റുകളെ പ്രോത്സാഹിപ്പിക്കുകയും അതു വഴി മികച്ച ബ്ലോഗ് പോസ്റ്റുകൾ വായനക്കാരിൽ എത്തിക്കുക എന്നതുമാണ് റീഡർ ലിസ്റ്റ് അഗ്രിഗേറ്റർ കൊണ്ട് സൈബർ ജാലകം ടീം ഉദ്ദേശിക്കുന്നത്. ജാലകം അഗ്രിഗേറ്ററിനോടൊപ്പം തന്നെ വലതു ഭാഗത്തായിട്ടാണ് റീഡർ ലിസ്റ്റ് അഗ്രിഗേറ്ററും തയ്യാറാക്കിയിരിക്കുന്നത്.

ജാലകം റീഡർ ലിസ്റ്റ് അഗ്രിഗേറ്ററിനെക്കുറിച്ച്.

അഗ്രിഗേറ്ററിന്റെ രജിസ്ട്രേഷൻ വിഭാഗത്തിൽ ആഡ് ചെയ്യുന്ന ഷെയറിംഗ് ലിസ്റ്റുകളിൽ നിന്നും അവയുടെ ഫീഡുകൾ പരിശോധിച്ചാണ് റീഡർ ലിസ്റ്റ് അഗ്രിഗേറ്റർ ക്രിയേറ്റ് ചെയ്യുന്നത്, ഉദാഹരണത്തിനു പത്ത് പേർ അഗ്രിയിൽ അവരവരുടെ റീഡർ ലിസ്റ്റുകൾ ചേർത്ത് കഴിഞ്ഞാൽ അവയുടെ ഫീഡ് പരിശോധിച്ച് ഒരേ പോസ്റ്റ് ഒന്നിൽ കൂടുതൽ ആളുകൾ ഷെയർ ചെയ്തിട്ടുണ്ടങ്കിൽ ഷെയർ ചെയ്തിരിക്കുന്നവരുടെ എണ്ണമനുസരിച്ച് ആ പോസ്റ്റ് അഗ്രിയുടെ ഏറ്റവും മുകളിലായി വരും, ആരൊക്കെയാണ് പ്രസ്തുത പോസ്റ്റ് ഷെയർ ചെയ്തിരിക്കുന്നതെന്നും അറിയാൻ സാധിക്കുന്ന വിധമാണ് റീഡർ ലിസ്റ്റ് അഗ്രിഗേറ്റർ ഡിസൈൻ ചെയ്തിരിക്കുന്നത്. ജാലകം അഗ്രിഗേറ്ററിൽ വരുന്ന പോസ്റ്റുകൾക്കും റീഡർ ലിസ്റ്റ് അഗ്രിഗേറ്ററിൽ വരുന്ന പോസ്റ്റുകൾക്കും നേരെയായി ഒരു ഗ്രേഡിംഗ് (വോട്ടിങ്ങ്) ഓപ്ഷൻ കൂടി നൽകിയിട്ടുണ്ട്. ഓരോ പോസ്റ്റിന്റേയും വലതുവശത്തായി കാണുന്ന എന്ന ഐക്കണിൽ ക്ലിക്ക് ചെയ്താൽ വോട്ടുരേഖപ്പെടുത്തുവാനും വീണ്ടും ക്ലിക്ക് ചെയ്താൽ ചെയ്ത വോട്ട് റദ്ദാക്കുവാനും സാധിക്കും. വോട്ട് രേഖപ്പെടുത്തിക്കഴിഞ്ഞാൽ ഐക്കൺ ആയി മാറുകയും റദ്ദാക്കി കഴിഞ്ഞാൽ ആയി മാറുകയും ചെയ്യും.( ജിമെയിൽ അക്കൌണ്ടുള്ളവർക്ക് അഗ്രിഗേറ്ററിൽ ലോഗിൻ ചെയ്ത് കഴിഞ്ഞാൽ ഓരോ പോസ്റ്റുകൾക്കും ഗ്രേഡ് നൽകാൻ സാധിക്കുന്ന വിധമാണ് ജാലകം അഗ്രിഗേറ്റർ ക്രമീകരിച്ചിരിക്കുന്നത്). ഒരു ജിമെയിൽ അക്കൌണ്ടിൽ ഒരു പോസ്റ്റിനു ഒരു വോട്ട് മാത്രമെ ഒരാൾക്ക് അനുവദിച്ചീട്ടുള്ളൂ, ഓരൊ പോസ്റ്റിനും നേരെയായി എത്ര വോട്ടുകളാണ് ഒരു പോസ്റ്റിനു ലഭിച്ചിട്ടുള്ളത് എന്നറിയാൻ ഇതുവഴി സാധിക്കും. അഗ്രിഗേറ്ററിൽ ലോഗിൻ ചെയ്യാതെ തന്നെ ഇവ കാണാൻ സാധിക്കും. എന്നാൽ അഗ്രിഗേറ്ററിൽ ലോഗിൻ ചെയ്ത് കഴിഞ്ഞാൽ ആ യൂസർ ഇതുവരെ ഷെയർ ചെയ്തിട്ടുള്ള പോസ്റ്റുകൾ, വോട്ട് ചെയ്ത പോസ്റ്റുകൾ എന്നിവ യൂസറുടെ പ്രൊഫൈൽ പേജിൽ കാണുന്ന വിധമാണ് ഡിസൈൻ. ആരൊക്കെയാണ് പോസ്റ്റുകൾ ഷെയർ ചെയ്തിരിക്കുന്നതെന്ന് ഷെയറിംഗ് അഗ്രിയിലെ യുസർ ഐക്കണിൽ മൌസ് ഓവർ ചെയ്യുമ്പോൾ തന്നെ കാണാനും മാത്രമല്ല ആ യൂസറുടെ മുഴുവൻ വായനാലിസ്റ്റിലെക്കും അവയിൽ കാണുന്ന ലിങ്കുകളിൽ ക്ലിക്ക് ചെയ്താൽ റീഡയറക്റ്റ് ചെയ്ത് മാറുകയും ചെയ്യും.

റീഡറിൽ ഷെയർ ചെയ്തിരിക്കുന്ന പോസ്റ്റുകൾ ഷെയർ ചെയ്തത് കൊണ്ട് മാത്രം മികച്ചതാവണമെന്നില്ല എന്നത് കൂടീ കണക്കിലെടുത്താണ് ഷെയേഡ് ലിസ്റ്റ് അഗ്രിയിലും ഗ്രേഡിംഗ് ഓപ്ഷൻ കൊടുത്തിരിക്കുന്നത്, അത് പോലെ ഷെയർ ചെയ്യാത്തവർക്ക് നല്ല പോസ്റ്റുകൾ എന്ന് തോന്നുന്നുവെങ്കിൽ വോട്ടിംഗ് ഓപ്ഷൻ വഴി ഒരു പോസ്റ്റിന് റേറ്റിംഗ് നൽകാം. വോട്ടീംഗ് ഓപ്ഷന്റെയും ഷെയറിംഗിന്റെയും മാനദണ്ടം “ രണ്ട് യൂസർ വോട്ടൂകൾക്ക് ഒരു ഷെയേഡ് വോട്ട് “ എന്ന കണക്കിനാണ്. തൽക്കാലം ഈ മാനദണ്ടമനുസരിച്ച് പോസ്റ്റുകൾ വേറേ ലിസ്റ്റ് ചെയ്യുന്നില്ല എങ്കിലും വോട്ടിംഗിന്റെ ട്രെന്റ് കണക്കാക്കിയിട്ട്, ഒരു ഷെയറിംഗിനു തുല്യം 2 വോട്ടൂകൾ എന്ന കണക്കിൽ ടോപ്പ് പോസ്റ്റുകൾ മറ്റൊരു പേജിൽ ഓപ്പൺ വരുന്ന രീതിയിൽ പിന്നീട് വരുന്നതായിരിക്കും. ( അതായത് 6 പേർ ഒരു പോസ്റ്റ് ഷെയർ ചെയ്തിട്ടൂണ്ട്, അത് പോലെ 14 പേർ ഒരു പോസ്റ്റ് വോട്ട് ചെയ്തിട്ടുമുണ്ടങ്കിൽ ടോപ്പിൽ വരിക 14 പേർ ഗ്രേഡ് ചെയ്ത പോസ്റ്റായിരിക്കും (1 share count = 2 user votes). ഇത് പർപ്പസായി ചില പോസ്റ്റുകൾ ഉയർത്തുന്നത് തടയാനായിട്ടാണ്. മിനിമം രണ്ട് പേരെങ്കിലും ഷെയർ ചെയ്താൽ മാത്രമെ പോസ്റ്റുകൾ ഷെയറിംഗ് അഗ്രിയിൽ കാണിക്കു, ചില ബ്ലോഗർമാർ അവരവരുടെ പോസ്റ്റുകൾ മാത്രം ഷെയർ ചെയ്യുന്നവരാണ് എന്നത് കൂടീ കണക്കിലെടൂത്തിട്ടാണ് ഇങ്ങനെ ചെയ്യുന്നത്.

മറ്റൊരു സൌകര്യം കൂടീ പുതിയ അഗ്രിഗേറ്ററിൽ ഒരുക്കിയിട്ടുണ്ട്. ജിമെയിൽ അക്കൌണ്ട് ഉപയോഗിച്ച് ലോഗിൻ ചെയ്യുന്ന ഒരാൾക്ക് ജാലകം അഗ്രിഗേറ്ററിൽ വരുന്ന പോസ്റ്റുകൾ ബുക്ക് മാർക്ക് ചെയ്യാൻ സാധിക്കും,

പോസ്റ്റുകളുടെ താഴെയായി കാണുന്ന ബുക്ക് മാർക്ക് ഐക്കണിൽ ക്ലിക്ക് ചെയ്താൽ തങ്ങൾക്കിഷ്ടപ്പെട്ട ബ്ലോഗുകൾ അവരവരുടെ പ്രൊഫൈൽ പേജിന് കീഴെ ബുക്ക്മാർക്ക് ചെയ്യപ്പെടും.

ഇതിനായി പോസ്റ്റുകൾ ബുക്ക് മാർക്ക് ചെയ്തതിനു ശേഷം പ്രൊഫൈൽ ടാബിന് കീഴെയായി കാണുന്ന ബുക്ക് മാർക്ക് സെക്ഷന്റെ വലതു വശത്തായി കാണുന്ന റിഫ്രഷ് ബട്ടണിൽ ഒരു തവണ അമർത്തിയാൽ മതിയാകും.ഒറ്റ നോട്ടത്തിൽ വായിക്കണമെന്ന് തോന്നുന്ന പോസ്റ്റുകൾ പെട്ടന്ന് ബുക്ക്മാർക്ക് ചെയ്ത് വെയ്ക്കുവാനും സമയം കിട്ടുന്നതിനനുസരിച്ച് വായിക്കാനോ റെഫർ ചെയ്യാനോ ഇതുവഴി കഴിയും. ബുക്ക്മാർക്ക് ചെയ്ത പോസ്റ്റിന്റെ വലതുവശത്തു കാണുന്ന ബട്ടണിൽ ക്ലിക്ക് ചെയ്താൽ അതിനെ ബുക്ക്മാർക്കിൽ നിന്ന് നീക്കം ചെയ്യുവാൻ സാധിക്കുന്നതാ‍ണ്.

മൂന്ന് രീതിയിലാണു റീഡർ ലിസ്റ്റിൽ ഷെയർ ചെയ്യപ്പെടുന്ന പോസ്റ്റുകൾ അഗ്രിയിൽ കാണിക്കുക, മാസത്തിൽ ഏറ്റവും കൂടുതൽആൾക്കാർ ഷെയർ ചെയ്യുന്നവ, ആഴ്ചയിൽ ഏറ്റവും കൂടുതൽ ഷെയർ ചെയ്യുന്നവ, ദിവസത്തിൽ ഏറ്റവും കൂടുതൽ ഷെയർ ചെയ്യുന്നവ. ഇതെല്ലാം ടാബ് വൈസ് ആയി സെറ്റ് ചെയ്തിട്ടുണ്ട്. നേരത്തെയുണ്ടായിരുന്ന സംവിധാനം മാറ്റി ഒരൊ അരമണിക്കൂറിലുമായിരിക്കും ജാലകം അഗ്രിഗേറ്റർ അപ്ഡെറ്റ് ചെയ്യുന്നത് (പഴയത് പോലെ തന്നെ ബ്ലോഗുകളിൽ ഉൾക്കൊള്ളിച്ചിട്ടുള്ള വിഡ്ജറ്റ് കോഡുകളിൽ ക്ലിക്ക് ചെയ്താൽ ഉടൻ തന്നെ അവ അഗ്രിഗേറ്ററിൽ കൂട്ടിച്ചേർക്കപ്പെടും), റീഡർ ലിസ്റ്റ് അഗ്രിഗേറ്റർ ഓരൊ ആറ് മണിക്കൂറീലും അപ്ഡേറ്റ് ചെയ്യപ്പെടും. മാത്രമല്ല ഓരൊ ദിവസവും റീഡർ ലിസ്റ്റിൽ വരുന്ന പോസ്റ്റുകൾ മാറിക്കൊണ്ടെയിരിക്കും. (ഉദാഹരണത്തിന് ഒരു ബ്ലോഗ് പോസ്റ്റ് ഇന്നേ ദിവസം പബ്ലിഷ് ചെയ്യുകയും അതേ ദിവസം തന്നെ ഒരു യൂസർ അതിനെ തന്റെ ഷെയേഡ് ലിസ്റ്റിൽ ഉൾക്കൊള്ളിക്കുകയും ചെയ്താൽ ദിവസേനയുള്ള ഷെയേഡ് പോസ്റ്റുകളുടെ ടാബിനു കീഴെ പോസ്റ്റ് പബ്ലീഷ് ചെയ്ത സമയം മുതൽ പിറ്റേ ദിവസം അതേ സമയം വരെ അവിടെ തന്നെയുണ്ടാകും. ആഴ്ചയിലെ ഷെയേഡ് പോസ്റ്റുകളുടെ ടാബിന് കീഴെ ഒരാഴ്ചയോളം ഈ പോസ്റ്റുണ്ടാകും, മാ‍സത്തിന് വേണ്ടിയുള്ള ടാബിനു കിഴെയായി ഒരു മാസത്തോളവും ഈ പോസ്റ്റുകളുണ്ടാവും )

ഇതിലെ മൂന്ന് വിഭാഗത്തിനും പ്രത്യേകം RSS ഫീഡുകൾ ലഭ്യമാണ്. ഓരോ ടാബിന്റേയും വലതുഭാഗത്ത് മുകളിലായി കൊടുത്തിരിക്കുന്ന ബട്ടണിൽ അമർത്തിയാൽ അതാതു വിഭാഗത്തിലെ പോസ്റ്റുകൾ ഫീഡിലേക്ക് പോകാവുന്നതാണ്.

എങ്ങനെ റീഡർ ലിസ്റ്റുകൾ ക്രിയേറ്റ് ചെയ്യാം.

ഫീഡ് എന്താണെന്നും അവയുടെ ഉപയോഗമെന്താണെന്നും വളരെ വിശദമായി തന്നെ ആദ്യാക്ഷരി ബ്ലോഗിലെ ഈ പോസ്റ്റിൽ നൽകിയിട്ടുണ്ട്, അതു വായിച്ച് മനസ്സിലാക്കാൻ പറ്റാത്തവരുണ്ടങ്കിൽ അവർക്കായി ഒരു കുറിപ്പ്,

ആദ്യമായി ഗുഗിൾ നൽകുന്ന സൌകര്യമായ റീഡറിൽ നിങ്ങളൂടെ ഗൂഗിൾ അക്കൌണ്ട് ഉപയോഗിച്ച് ലോഗിൻ ചെയ്യുക.

ലോഗിൻ ചെയ്ത് കഴിഞ്ഞാൽ റീഡറിന്റെ ഇടത് വശത്തായി Add Subcription എന്നൊരു ബട്ടൺ കാണുവാൻ സാധിക്കും. ഇവിടെ ക്ലിക്ക് ചെയ്ത് കഴിഞ്ഞാൽ ഒരു ടെക്സ്റ്റ് ഏരിയ തുറന്ന് വരികയും തുടർന്ന് അവിടെ നിങ്ങൾക്കിഷ്ടപ്പെട്ട ബ്ലോഗുകളുടെയൊ സൈറ്റുകളുടേയൊ യൂ ആർ എൽ നൽകുക.

ശേഷം ഇടത് വശത്തായി കാണുന്ന ആൾ ഐറ്റംസ് (All Items) എന്ന ബട്ടണിൽ ക്ലിക്ക് ചെയ്ത് കഴിഞ്ഞാൽ ആഡ് ചെയ്ത ബ്ലോഗുകളുടെയോ സൈറ്റുകളുടെയൊ ഫീഡൂകൾ വലതു വശത്തായി കാണാൻ കഴിയും. ഇത്രയും ചെയ്ത് കഴിഞ്ഞാൽ നിങ്ങളുടെ റീഡർ ലിസ്റ്റുകൾ തയ്യാറായിക്കഴിഞ്ഞു.

ഇനി നിങ്ങളുടെ റീഡർ ലിസ്റ്റിൽ നിന്നും ഇഷ്ടപെട്ട ബ്ലോഗ് പോസ്റ്റുകൾ മറ്റുള്ളവർക്കായി ഷെയർ ചെയ്യണമെങ്കിൽ ഇടത് വശത്തായി കാണുന്ന Your Stuffs എന്ന ഐക്കണിനു കീഴെയായി Shared Items എന്ന മറ്റൊരു ബട്ടൺ കാണാൻ കഴിയും, ഇവിടെ ക്ലിക്ക് ചെയ്താൽ വലതു വശത്തായി ഷെയറിംഗ് സെറ്റിംഗ്സ് (sharing Settings) എന്നൊരു ഓപ്ഷൻ കാണാൻ സാധിക്കും, ഇവിടെ ക്ലിക്ക് ചെയ്താൽ മറ്റൊരു പേജ് തുറന്ന് വരികയും ഇവിടെ നിങ്ങളുടെ ഷെയറിംഗിന്റെ സെറ്റിംഗ്സുകൾ കൊടുക്കാവുന്നതുമാണ്.

മറ്റുള്ളവരെ ഏതൊക്കെ പോസ്റ്റുകളാണ് നമുക്കിഷ്ടപ്പെട്ടത് എന്ന് കാണിക്കുന്നതിനായി ഏറ്റവും മുകൾഭാഗത്തായി കാണുന്ന കോമ്പോ ബോക്സിൽ നിന്നും Public Anyone Can View എന്ന ഓപ്ഷൻ തിരഞ്ഞെടുത്ത് കഴിഞ്ഞാൽ മറ്റുള്ളവർക്ക് നമുക്കിഷ്ടപ്പെട്ട ബ്ലോഗ് പോസ്റ്റുകൾ എതൊക്കെയാണെന്ന് കാണുവാൻ സാധിക്കും.

തുടർന്ന് ഇടത് വശത്തായി കാണുന്ന All Items എന്ന ഓപ്ഷനിൽ ക്ലീക്ക് ചെയ്താൽ വലത് വശത്തായി നമ്മുടെ റീഡർ ലിസ്റ്റുകൾ തുറന്ന് വരികയും ഓരൊ പോസ്റ്റിനും കീഴെയായി ഷെയർ എന്ന മറ്റൊരു ഐക്കൺ കാണുവാനും സാധിക്കും, ഇവിടെ ക്ലിക്ക് ചെയ്താൽ മറ്റുള്ളവർക്ക് ഷെയർ ചെയ്യുന്ന പോസ്റ്റുകൾ ഏതൊക്കെയാണെന്ന് അറിയുവാനും അതു വഴി റീഡറിൽ നിന്നോ അതുമല്ലെങ്കിൽ പോസ്റ്റുകളുടെ ലിങ്കുകളിൽ ക്ലിക്ക് ചെയ്ത് അവ പബ്ലീഷ് ചെയ്തിരിക്കുന്ന ബ്ലോഗ് പോസ്റ്റുകളിൽ പോയൊ അവ വായിക്കുവാൻ സാധിക്കും. മികച്ച ബ്ലോഗ് പോസ്റ്റുകളോ ആർട്ടിക്കിളുകളൊ ഷെയർ ചെയ്യുന്നത് വഴി നമ്മുടെ സുഹൃത്തുക്കൾക്കും അവ വായിക്കുവാനും ഷെയർ ചെയ്യാനും സാധിക്കും. കൂടുതൽ ആൾക്കാരിലേക്ക് മികച്ച പോസ്റ്റുകൾ എത്തും എന്നതാണ് ഇതിന്റെ ഗുണം, മാത്രമല്ല സെലക്റ്റീവ് ആയിട്ടുള്ള വായനക്കാർ ഏറ്റവും കൂടുതൽ പ്രിഫർ ചെയ്യുന്നതും ഈ വഴിയാണ്. എല്ലാ ബ്ലോഗുകളും ആർട്ടിക്കിളുകളും വായിക്കുന്നതിനു പകരം തങ്ങൾക്കിഷ്ടപ്പെട്ട ബ്ലോഗുകളൊ സൈറ്റുകളൊ മാത്രം സബ്സ്ക്രൈബ് ചെയ്ത് അവയിൽ വരുന്ന ആർട്ടിക്കിളൂകൾ വായിക്കാൻ ഇത് സഹായിക്കുന്നു.

നിങ്ങളുടെ റീഡർ ലിസ്റ്റുകളെ എങ്ങനെ ജാലകത്തിന്റെ റീഡർ ലിസ്റ്റ് അഗ്രിഗേറ്ററിൽ ഉൾക്കൊള്ളിക്കാം?

ജാലകത്തിന്റെ റീഡർ ലിസ്റ്റ് അഗ്രിഗേറ്ററിൽ നിങ്ങൾ പങ്കു വെക്കുന്ന പോസ്റ്റുകളും ആർട്ടിക്കിളുകളും ഉൾക്കൊള്ളിക്കുവാനായി ആദ്യം നിങ്ങളുടെ റീഡർ ലിസ്റ്റിന്റെ ആറ്റം ഫീഡ് യു ആർ എൽ എടുക്കേണതുണ്ട്.

ഇതെടുക്കുന്നതിനായി നേരത്തെ പറഞ്ഞത് പോലെ sharing settingsൽ പോവുക, ആ പേജിന്റെ ഏറ്റവും താഴെയായി നിങ്ങളുടെ കസ്റ്റം യു ആർ എലുകൾ കാണുവാൻ സാധിക്കും. അതിൽ കാണുന്ന എതെങ്കിലുമൊരു ഓപ്ഷൻ സെലക്റ്റ് ചെയ്തതിന് ശേഷം ആ യു ആർ എൽ ( ഉദാഹരണത്തിന് സൈബർ ജാലകം എന്ന യൂസറുടെ കസ്റ്റം യു ആർ എൽ http://www.google.com/reader/shared/cyberjalakam എന്നൊ അല്ലെങ്കിൽ http://www.google.com/reader/shared/09381433576238547955 എന്നോ ആയിരിക്കും)

നിങ്ങളുടെ ബ്രൌസർ തുറന്നതിനു ശേഷം കോപ്പി ചെയ്തെടുത്ത യൂ ആർ എൽ അഡ്രസ് ബാറിൽ കൊടുത്ത് എന്റർ ബട്ടൺ അമർത്തിയാൽ നിങ്ങൾ ഷെയർ ചെയ്തിട്ടുള്ള പോസ്റ്റുകളെല്ലാം തന്നെ കാണുവാൻ സാധിക്കും.

അതേ പേജിന്റെ വലത് വശത്തായി നിങ്ങളുടെ യൂസർ നെയിമിനു കീഴെയായി ആറ്റം ഫീഡ് (Atom Feed) എന്നൊരു ലിങ്ക് കാണുവാൻ സാധിക്കും, അതിൽ ക്ലിക്ക് ചെയ്താൽ മറ്റൊരു പേജിലേക്ക് റീഡയറക്റ്റ് ചെയ്ത് പോവുകയും ചെയ്യും.
റീഡറീന്റെ ആറ്റം ഫീഡ് യു ആർ എൽ കോപ്പി ചെയ്ത് ജാലകം അഗ്രിഗേറ്ററിന്റെ റീഡർ ലിസ്റ്റ് അഗ്രിഗേറ്ററിൽ നൽകുന്നതോട് കൂടീ റീഡർ ലിസ്റ്റ് അഗ്രിഗേറ്ററിൽ നിങ്ങൾ ഷെയർ ചെയ്യുന്ന പോസ്റ്റുകൾ കൂടി ഉൾക്കൊള്ളിക്കുവാൻ കഴിയും. അതുമല്ലെങ്കിൽ ആറ്റം ഫീഡിൽ റൈറ്റ് ക്ലിക്ക് ചെയ്ത് അതിൽ നിന്നും കോപ്പി ലിങ്ക് ലൊക്കേഷൻ എന്ന ഓപ്ഷനിൽ ക്ലിക്ക് ചെയ്ത് ആറ്റം ഫീഡ് യൂ ആർ എൽ എടുത്ത് മറ്റൊരു പേജിൽ കൊടുത്താലും ഫീഡിന്റെ എക്സ് എം എൽ (XML) പേജ് ഓപ്പൺ ചെയ്ത് വരും.

പുതിയ അഗ്രിഗേറ്റർ ബീറ്റാ സ്റ്റേജിലായതിനാൽ നിങ്ങളുടെ വിലയേറിയ നിർദ്ദേശങ്ങളും, നിങ്ങൾ നേരിടുന്ന പ്രശ്നങ്ങളും ഞങ്ങൾക്ക് വളരെ വിലപ്പെട്ടതാണ്. തുടർന്നും സഹകരണങ്ങൾ പ്രതീക്ഷിച്ചു കൊണ്ട്,

സൈബർ ജാലകം ടീമിനു വേണ്ടി

എം.പി-3 നോർമലൈസേഷൻ

2009-08-30T22:39:00.000-07:00

സംഗീതത്തെ ഇഷ്ടപ്പെടുന്ന ഒരാളാണു നിങ്ങളെങ്കിൽ തീർച്ചയായും എം.പി-3 ഫയലുകളുടെ ഒരു നല്ല ശേഖരം കൈവശം കാണാൻ സാധ്യതയുണ്ട്. ഈ ശേഖരത്തിൽ പല പാട്ടുകളും റെക്കോർഡിങ്ങ് മോശമായതിനാൽ വളരെ കുറഞ്ഞ വോളിയത്തിൽ പ്ലേ ചെയ്യുന്നതായി ശ്രദ്ധിച്ചിട്ടില്ലേ.

വോളിയം കുറവോ കൂടുതലോ ആയ ഓഡിയോ ഫയലുകളെ നോർമലൈസ് ചെയ്യുവാൻ സഹായിക്കുന്ന ഒരു സൌജന്യ സോഫ്റ്റ്‌വെയറാണ് MP3Gain.

തുടർന്ന് വായിക്കുക

മൈക്രോസോഫ്റ്റിനെ തകർക്കുന്നതാര്?

2009-08-16T02:34:00.000-07:00

മൈക്രോസോഫ്റ്റിന്റെ ബിങ്ങ് സെർച്ച് എഞ്ചിൻ ഒരു സംഭവമാണെന്ന് ആദ്യമൊക്കെ കേട്ടിരുന്നു. എന്നാലും ഇത്ര വലിയ സംഭവമാണെന്ന് ദാ ഇത് കണ്ടപ്പോഴല്ലേ മനസിലായത്. ഇതിനെയായിരിക്കുമല്ലേ സ്വയം പാര എന്ന് പറയുന്നത്..

ദാ ഇതു കാണുക

ഓൺലൈൻ ലോഗോ / ബാനർ ഡിസൈനറുകൾ

2009-08-15T02:22:00.000-07:00

സൈറ്റിനോ ബ്ലോഗിനോ വേണ്ടി സ്വന്തമായി ഒരു ലോഗോ ഡിസൈൻ ചെയ്യണമെന്നുണ്ടോ ? എങ്കിൽ ഇതാ ഫോട്ടോഷോപ്പ് പോലെയുള്ള ഗ്രാഫിക് ഡിസൈനിങ്ങ് സോഫ്റ്റ്വെയറുകളുടെ സഹായമില്ലാതെ തന്നെ വളരെ എളുപ്പത്തിൽ ഒരു ലോഗോയോ ബാനറോ ഡിസൈൻ ചെയ്യാൻ സഹായിക്കുന്ന കുറച്ച് ഓൺലൈൻ സൈറ്റുകൾ പരിചയപ്പെടാം.

തുടർന്ന് വായിക്കുക

യൂട്യൂബ് വീഡിയോ ഡൌൺലോഡിങ്ങ്

2009-08-11T22:44:00.000-07:00

യൂട്യൂബിൽ കണ്ടിട്ടുള്ള ചില വീഡിയോകളെങ്കിലും ഡൌൺലോഡ് ചെയ്ത് സൂക്ഷിക്കണമെന്ന് പലപ്പോഴും തോന്നിയിട്ടില്ലേ ? . ഓൺലൈനും ഓഫ്‌ലൈനുമായ ഒരുപാട് സൌജന്യ സോഫ്റ്റ്വെയറുകളും സൈറ്റുകളും ഇന്ന് ഇന്റർനെറ്റിൽ ഇതിനായി ലഭ്യമാണ്.

തുടർന്ന് വായിക്കുക..

കമ്പ്യൂട്ടറുകളുടെ ചരിത്രം - ഭാഗം 2

2009-08-05T00:17:00.000-07:00

കമ്പ്യൂട്ടറുകളുടെ ചരിത്രം - ഭാഗം 1 ഇവിടെ വായിക്കാം.

കമ്പ്യൂട്ടർ എന്ന ആശയത്തിനു പിന്നീട് ഒരു തുടർച്ച ലഭിക്കുന്നത് അമേരിക്കയിലായിരുന്നു. അമേരിക്കൻ കോൺഗ്രസിൽ സ്റ്റേറ്റുകളുടെ പ്രാതിനിധ്യം മനസിലാക്കുവാനായി പത്തുവർഷത്തിലൊരിക്കൽ നടത്താറുള്ള സെൻസസ് പ്രക്രിയ 1870ൽ നടത്തിയത് വെറും ഒൻപത് മാസങ്ങൾ കൊണ്ടായിരുന്നു. എന്നാൽ ജനസംഖ്യയിലുണ്ടായ കടുത്ത വർദ്ധനവു മൂലം 1880 ൽ നടത്തിയ സെൻസസ് തീർക്കുവാനായി ഏകദേശം ഏഴര വർഷങ്ങൾ വേണ്ടി വന്നു.

വർദ്ധിച്ച മാനുഷിക അദ്ധ്വാനത്തിന്റെ ആവശ്യകത മുൻ കൂട്ടി മനസിലാക്കിയ അമേരിക്കൻ സെൻസസ് ബ്യൂറോ 1890 ലെ സെൻസസ് പ്രക്രിയ ഓട്ടോമേറ്റ് ചെയ്യുന്നതിനായി ഒരു ബദൽ സംവിധാനത്തെക്കുറിച്ച് ആലോചനയിലായി. സെൻസസ് ബ്യൂറോയെ സഹായിക്കുവാനായി തക്ക സംവിധാനങ്ങൾ കണ്ടുപിടിക്കുന്നവർക്കായി ഒരു പാരിതോഷികവും ഏർപ്പാടു ചെയ്തു. ഹെർമൻ ഹോളറിത്ത് എന്ന ജർമ്മൻ-അമേരിക്കൻ സ്റ്റാറ്റിസ്റ്റീഷ്യൻ ആയിരുന്നു ഈ മത്സരത്തിലെ വിജയി. ജാക്വാർഡിന്റെ തറികളിൽ ഉപയോഗിച്ചിരുന്ന പഞ്ച് കാർഡ് സിസ്റ്റത്തെ കമ്പ്യൂട്ടേഷൻ ജോലികൾ ചെയ്യുവാൻ തക്കവിധം പരിഷ്കരിച്ചെടുത്തതായിരുന്നു ഹെർമൻ ഹോളറിത്ത് വികസിപ്പിച്ചെടുത്ത ഹോളറിത്ത് ഡെസ്ക് എന്ന ഉപകരണം.

തുടർന്ന് വായിക്കുക.

കമ്പ്യൂട്ടറുകളുടെ ചരിത്രം - ഭാഗം 1

2009-07-29T04:35:00.000-07:00

കമ്പ്യൂട്ടർ എന്ന ഉപകരണം നാമിന്ന് കാണുന്ന നിലയിലേക്ക് എത്തിപ്പെടുവാൻ പിന്നിടേണ്ടിവന്ന നാഴികക്കല്ലുകൾ ഒട്ടനവധിയാണ്. ഒരു കൂട്ടം പ്രതിഭാശാലികളുടെ കഠിനപ്രയത്നത്തിന്റേയും അപാരമായ ദീർഘവീക്ഷണത്തിന്റേയും ആകെത്തുകയാണ് ദൈനംദിന ജീവിതത്തിൽ ഇന്ന് ഒഴിച്ചുകൂടാൻ പറ്റാതായി മാറിക്കൊണ്ടിരിക്കുന്ന കമ്പ്യൂട്ടറുകൾ എന്ന അൽഭുത യന്ത്രങ്ങൾ.

“ആരാണ് കമ്പ്യൂട്ടർ കണ്ടുപിടിച്ചത് ?” .

നമ്മൾ ഒരുപാടു തവണ ചോദിക്കുകയും ഉത്തരം പറയുകയും ചെയ്തിട്ടുള്ള ഒരു ചോദ്യമാണിത്.

തുടർന്ന് വായിക്കുക ..

റിയാക്ട് ഓ.എസ് – വിൻഡോസിന് ഒരു ബദൽ

2009-07-29T04:32:00.000-07:00

വിൻഡോസ് ഇല്ലാതെ തന്നെ വിൻഡോസ് ആപ്ലിക്കേഷനുകൾ പ്രവർത്തിപ്പിക്കണമെന്നുണ്ടോ. എന്നാൽ ഇതാ മൈക്രോസോഫ്റ്റിനു വെല്ലുവിളി ഉയർത്തിക്കൊണ്ട് (?) തികച്ചും സൌജന്യമായ ഒരു ഓപ്പറേറ്റിങ്ങ് സിസ്റ്റം വരുന്നു.

തുടർന്ന് വായിക്കുക ....

സൌജന്യ ഓൺലൈൻ ഹോം സർവൈലൻസ് സിസ്റ്റം

2009-07-23T01:51:00.000-07:00

വീട്ടുകാരുമൊത്ത് അവധിക്കാലം ആഘോഷിക്കുവാൻ പുറത്ത് പോവുകയാണോ?. നമ്മളില്ലാത്ത സമയത്ത് അവിടെ എന്തെല്ലാം നടക്കുന്നു എന്നതിനെ കുറിച്ച് വേവലാതിയിലാണോ . ഈ പ്രശ്നത്തിന് ഇന്ന് വിപണിയിൽ ഒട്ടനവധി സൊല്യൂഷനുകൾ ലഭ്യമാണ്. ഒരു വീഡിയോ സർവൈലൻസ് സംവിധാനം ഇൻസ്റ്റാൾ ചെയ്താൽ ഈപ്പറഞ്ഞ കാര്യം സാധിച്ചെടുക്കാം. എന്നാൽ അതിനായി എത്ര മുതൽ മുടക്കു വേണ്ടി വരും ?, സാധാരണക്കാർക്ക് എന്തായാലും പ്രാപ്യമായ ഒന്നല്ല അത് എന്നു തന്നെയാണ് എന്റെ വിശ്വാസം.

എന്നാൽ ഇപ്പോൾ ഒരു കമ്പ്യൂട്ടറും ഇന്റർനെറ്റ് കണക്ഷനും ഒരു വെബ്കാമറയുമുണ്ടെങ്കിൽ ചെറിയ രീതിയിലുള്ള ഒരു ഹോം സർവൈലൻസ് സിസ്റ്റം തികച്ചും സൌജന്യമായി ആർക്കും സ്വയം നിർമ്മിക്കാം.
തുടർന്ന് വായിക്കുക...

എങ്ങനെ ഒരു വീഡിയോയ്ക്കു സബ്ടൈറ്റിൽ നൽകാം

2009-07-15T04:38:00.000-07:00

സീഡിയിൽ നിന്നോ ഡിവിഡിയിൽ നിന്നോ കൺ‌വർട്ട് (റിപ്പ്) ചെയ്ത ഒരു സിനിമാ കാണുമ്പോൾ അതിൽ സബ്ടൈറ്റിൽ കൂടി ഉണ്ടായിരുന്നെങ്കിൽ എന്ന് പലപ്പോഴും തോന്നിയിട്ടില്ലേ. പ്രത്യേകിച്ച് ഇംഗ്ലീഷ് സിനിമകൾ. മെട്രിക്സ് അല്ലെങ്കിൽ ട്രാ‍ൻസ്ഫോർമർ പോലെയുള്ള സിനിമകൾ സബ്ടൈറ്റിൽ ഇല്ലാതെ കാണുന്ന അവസ്ഥ ഒന്നാലോചിച്ചു നോക്കൂ. നേരേ ചൊവ്വേ ഇംഗ്ലീഷ് മനസിലാവുന്നവരുടെ കാര്യമല്ല ഉദ്ദേശിച്ചത്. എങ്കിലും ഒരു ഇംഗ്ലീഷ് സിനിമയോ ഡോക്യുമെന്ററിയോ സബ്ടൈറ്റിലോടെ കാണുന്നതിന്റെ ഒരു സുഖം അതൊന്നു വേറെ തന്നെയാണ്. ഇനി മുതൽ സബ്ടൈറ്റിൽ ലഭ്യമല്ലാത്ത സിനിമകൾ സബ്ടൈറ്റിലോടെ ആസ്വദിച്ചു തന്നെ കാണാം. അതിനായി ചെയ്യേണ്ട ചില നുറുങ്ങു വിദ്യകൾ പറയാം.

(DivX,Xvid,MP4,VOB(DVD) എന്നീ ഫോർമാറ്റിലുള്ള മൂവി ഫയലുകൾ ഇതുപോലെ സബ്ടൈറ്റിലിങ്ങ് ചെയ്യാവുന്നതാണ്)

രണ്ടു രീതിയിൽ നമ്മൾക്ക് ഒരു മൂവി ഫയലിൽ സബ്ടൈററ്റിലുകൾ ചേർക്കാവുന്നതാണ്. ഒന്നാമതായി ഒരു സോഫ്റ്റ്‌വെയർ പ്രോഗ്രാമിന്റെ സഹായത്താൽ മൂവി പ്ലേ ചെയ്യുന്നതിനൊപ്പം ഓവർലേ (Overlay) ആയി സബ്ടൈറ്റിലുകൾ നൽകാം.ഈ രീതിയുടെ ഒരു ഗുണം ഏത് ഭാഷയിലെ സബ്ടൈറ്റിലുകൾക്കൊപ്പവും മൂവി പ്ലേ ചെയ്യാം എന്നതാണ് മൂവി ഫയലിനൊപ്പം തന്നെ സബ്ടൈറ്റിൽ ഒരുമിച്ച് ചേർത്ത് ഒറ്റ ഫയലാക്കുന്ന മറ്റൊരു രീതിയും നിലവിലുണ്ട്. ഒരു ഭാഷയിലെ സബ്ടൈറ്റിൽ മാത്രമേ പ്ലേ ചെയ്യുവാൻ സാധിക്കൂ എന്നതാണ് ഇവിടെ വരുന്ന ഒരു കുഴപ്പം. എന്നാൽ ഒരു കമ്പ്യൂട്ടറിലോ ഹാർഡ്‌വെയർ പ്ലേയറുകളിലോ ഒരുപോലെ ഇവ പ്രവർത്തിക്കും എന്നതാണ് ഈ രീതിയുടെ ഒരു മെച്ചം.

മൂന്ന് കാര്യങ്ങളാണ് ഇതിനായി ആവശ്യമുള്ളത്. മൂവി ഫയൽ (DivX,Xvid,MP4,VOB ഫോർമാറ്റിലുള്ളത്), മേൽ‌പ്പറഞ്ഞ മൂവിയുടെ സബ്ടൈറ്റിൽ ഫയൽ, ഓവർലേ ചെയ്യുവാൻ സഹായിക്കുന്ന ഒരു പ്രോഗ്രാം. ഇതിൽ ഓരോന്നും എന്താണെന്ന് നോക്കാം.

മൂവി ഫയൽ - DVD യിൽ നിന്നോ CD യിൽ നിന്നോ കൺ‌വർട്ട് ചെയ്തെടുത്ത വീഡിയോ ഫയൽ.

സബ്ടൈറ്റിൽ ഫയൽ - സാധാരണ മൂവി ഡിവിഡി ഡിസ്കിനുള്ളിൽ ഈ ഫയൽ കാണപ്പെടും. .SRT എന്ന എക്സ്ടെൻഷനോടുകൂടിയ ഒരു ഫയലാണ് ഇത്. ഈ ഫയലിന്റെ സഹായത്തോടെയാണ് DVD പ്ലേയറുകളും കമ്പ്യൂട്ടറിലെ മീഡിയാപ്ലേയിങ്ങ് പ്രോഗ്രാമുകളും സബ്ടൈറ്റിലുകൾ കാണിക്കുന്നത്. ടോറന്റുകൾ വഴിയും മറ്റും ഡൌൺലോഡ് ചെയ്തെടുക്കുന്ന മൂവികൾക്കൊപ്പം,മൂവി ഫയലിന്റെ അതേ പേരിൽ തന്നെ .SRT എന്ന എക്സ്ടെൻഷനോടു കൂടി ഈ ഫയലും സാധാരണ കണ്ടുവരാറുണ്ട്. ഇനി കൈവശമുള്ള വീഡിയോയുടെ സബ്ടൈറ്റിൽ ഫയൽ ഇല്ലെന്നിരിക്കട്ടേ അതിനുമുണ്ട് പരിഹാരം. ഓപ്പൺസബ്ടൈറ്റിൽ എന്ന സൈറ്റിൽ നിന്നും ഒട്ടുമിക്ക സിനിമകളുടേയും ഡോക്യുമെന്ററികളുടേയും സബ്ടൈറ്റിലുകൾ സൌജന്യമായി ഡൌൺലോഡ് ചെയ്യാവുന്നതാണ്.

ഓവർലേ പ്രോഗ്രാം- വീഡിയോ പ്ലേ ചെയ്യുന്നതിനൊപ്പം സബ്ടൈറ്റിൽ ഡിസ്പ്ലേ ചെയ്യുവാൻ സഹായിക്കുന്ന പ്രോഗ്രാമാണിത്. ചില മീഡിയാ പ്ലേയിങ്ങ് പ്രോഗ്രാമുകളിൽ തന്നെ ഈ സംവിധാനം ലഭ്യമാണ്.

ഇനി ഓവർലേ രീതിയിൽ സബ്ടൈറ്റിൽ ചെയ്യുന്ന രണ്ട് പ്രോഗ്രാമുകളെ പരിചയപ്പെടാം.

ഡയറക്ട് വിഓബി സബ് (DirectVobSub): - കമ്പ്യൂട്ടറിന്റെ സിസ്റ്റം ട്രേയിൽ നിന്ന് പ്രവർത്തിക്കുന്നതും വളരെ ലളിതവുമായ ചെറിയ ഒരു പ്രോഗ്രാമാണിത്. ഈ രീതിയിൽ സബ്ടൈറ്റിലുകൾ കാണിക്കുന്നതിനായി നമ്മൾ ആകെ ചെയ്യേണ്ടത് പ്രോഗ്രാം ആദ്യം റൺ ചെയ്തതിനുശേഷം കൈവശമുള്ള സബ്ടൈറ്റിൽ ഫയൽ (.srt) വീഡിയോ ഫയലിന്റെ അതേ പേരിൽ തന്നെ വീഡിയോ ഫയൽ കിടക്കുന്ന ഫോൾഡറിൽ കോപ്പി ചെയ്തു വെയ്ക്കുക എന്നതു മാത്രമാണ്. ഇനി ഏതെങ്കിലും വീഡിയൊ പ്ലേയിങ്ങ് സോഫ്റ്റ്‌വെയർ പ്രൊഗ്രാം ഉപയോഗിച്ച് വീഡിയോ പ്ലേ ചെയ്യുമ്പോൾ ഡയറക്ട് വിഓബി സബ് തനിയേ സബ്ടൈറ്റിൽ ഫയൽ തിരിച്ചറിഞ്ഞ് റെൻഡർ ചെയ്തുകൊള്ളും. ഏത് വീഡിയോ പ്ലേയർ പ്രോഗ്രാമിനൊപ്പവും പ്രവർത്തിപ്പിക്കാം എന്നതാണ് ഈ രീതിയുടെ പ്രത്യേകത.

KLite Codec Pack പോലെയുള്ള ഇന്നു ലഭ്യമായ എല്ലാ പ്രധാനപ്പെട്ട വീഡിയോ കോഡക്ക് പാക്കുകളിലും (Codec) ഡയറക്ട് വീഡിയോ സബ് ഉൾപ്പെടുത്തിയിട്ടുണ്ട്.

വി.എൽ.സി മീഡിയാ പ്ലേയർ (VLC Media Player) : ഇന്ന് ലഭ്യമായതിൽ‌വെച്ച് ഏറ്റവും നല്ല മീഡിയോ പ്ലേയിങ്ങ് സോഫ്റ്റ്‌വെയറുകളിൽ ഒന്നാണ് വി.എൽ.സി പ്ലേയർ. ഈ പ്ലേയറിന്റെ എടുത്തു പറയേണ്ട പ്രത്യേകതകളിൽ ഒന്നാണ് സബ്ടൈറ്റിൽ ഓവർലേ ചെയ്യുവാനുള്ള അതിന്റെ കഴിവ്. ഒരു വീഡിയോ ഫയൽ പ്ലേ ചെയ്യുമ്പോൾ അതേ ഫോൾഡറ്റിൽ വീഡിയോയുടെ അതേ പേരിൽ തന്നെ സബ്ടൈറ്റിൽ ഫയൽ ഉണ്ടെങ്കിൽ വി.എൽ.സി പ്ലേയർ അതിന്റെ തനിയേ റെൻഡർ ചെയ്തുകൊള്ളും.

ഓപ്പൺസബ്ടൈറ്റിൽ സൈറ്റിൽ നിന്നും ഒരു വീഡിയോയുടെ സബ്ടൈറ്റിൽ ഫയൽ ഡൌൺലോഡ് ചെയ്തു പ്ലേ ചെയ്തതിന്റെ സ്ക്രീൻ ഷോട്ടുകൾ കാണാം

ഇങ്ങനെ ഡൌൺലോഡ് ചെയ്ത zip ഫയൽ extract ചെയ്ത് അതിൽ നിന്നും .srt extension ഉള്ള ഫയൽ എടുത്ത് വീഡിയോ കിടക്കുന്ന ഫോൾഡറിൽ വീഡിയോയുടെ അതേ പേരിൽ ഇട്ടിരിക്കുന്നു.

ഇത്രയുമായാൽ വി.എൽ.സി പ്ലേയറോ മീഡിയാപ്ലേയർ ക്ലാസിക്കോ ഉപയോഗിച്ച് വീഡിയോ പ്ലേ ചെയ്യാവുന്നതാണ്.

സബ്ടൈറ്റൽ നൽകുന്നതിനായുള്ള മറ്റൊരു രീതിയാണ് സബ്ടൈറ്റിൽ ബേണിങ്ങ് (Subtitle Burning). മറ്റൊരു പോസ്റ്റിൽ അതിനെ കുറിച്ച് വിശദമായി പറയാം.

ഓഫീസിലിരുന്ന് വീഡിയോ കാണാറുണ്ടോ ?

2009-07-12T00:57:00.000-07:00

ഓഫീസിൽ തിരക്കിട്ട ജോലികൾക്കിടയിൽ പെട്ടന്ന് ചങ്ങാതിയുടെ ഒരു മെയിൽ. ഒരു യൂട്യൂബ് വീഡിയോയുടെ ഒരു ലിങ്ക്. ഓഫീസിലെ തിരക്കുകൾക്കിടയിലും ജോലിക്ക് തടസമുണ്ടാക്കാതെ അതൊന്ന് കാണണമെങ്കിൽ അൽപ്പം മെനക്കേട് തന്നെ. ഒരു വിൻഡോയിൽ വീഡിയോയും മറ്റൊന്നിൽ ഇന്ന് തന്നെ നൽകേണ്ട ഒരു പ്രസന്റേഷന്റെ ജോലികളും. വിൻഡോകൾ മാറ്റി മാറ്റി മടുത്തോ? ജോലിക്കിടയിലെ ഈ ടെൻഷൻ ഒഴിവാക്കാൻ ഇപ്പോൾ ഒരു മാർഗമുണ്ട്. അതാണ് ഡബിൾ വിഷൻ ബ്രൌസർ. ഇതുവഴി നമ്മൾ വർക്ക് ചെയ്യുന്ന വിൻഡോയുടെ പിറകിലായി ഒരു ട്രാൻസ്പരന്റ് വിൻഡോയിൽ നമുക്കിഷ്ടമുള്ള വീഡിയോ പ്ലേ ചെയ്യാം. ഇനി വിൻഡോകൾ സ്വിച്ച് ചെയ്യേണ്ട ബുദ്ധിമുട്ടില്ല. പിറകിൽ വീഡിയോ പ്ലേ ചെയ്യുന്നതിനൊപ്പം തന്നെ നമുക്ക് ജോലികൾ തടസമില്ലാതെ ചെയ്യാം. ഇനി പെട്ടന്ന് വീഡിയോ സ്ക്രീൻ ഹൈഡ് ചെയ്യണമെന്നുണ്ടോ ? ഒരു കീസ്ട്രോക്കിലൂടെ അതും സാധ്യമാക്കാം. (ശബ്ദം മ്യൂട്ടാക്കിക്കൊണ്ടു തന്നെ).

ഇവിടെനിന്ന് പ്രോഗ്രാം ഡൌൺലോഡ് ചെയ്ത് ഇൻസ്റ്റാൾ ചെയ്യുക. നിങ്ങൾക്കിഷ്ടമുള്ള വീഡിയോ സൈറ്റ് സന്ദർശിക്കുക. (കാണേണ്ട വീഡിയോയുടെ URL നേരിട്ട് ഡബിൾ വിഷന്റെ അഡ്രസ് ബാറിലേക്ക് നൽകുന്നതായിരിക്കും എളുപ്പം). വീഡിയോ പ്ലേ ആയി തുടങ്ങിയാൽ പ്രധാന മെനുവിൽ കാണുന്ന “Double Vision” എന്ന ബട്ടൺ അമർത്തുക.

ഇനി നിങ്ങൾ വർക്ക് ചെയ്യുന്ന വിൻഡോയുടെ പിറകിലായി വീഡിയോ പ്ലേ ആവുകയായി. വീഡിയോ സ്ക്രീനിലൂടെ നിങ്ങൾക്ക് നിങ്ങളുടെ ജോലി തുടരാം. വീഡിയോയുടെ ട്രാൻസ്പരൻസി മാറ്റുവാനായി ഈ കാണുന്ന സ്ലൈഡർ ഉപയോഗിക്കാം. ഇനി ഈ മോഡിൽനിന്ന് തിരിച്ചുവരുവാനായി ഒന്നുകിൽ മുകൾവശത്തു കാണുന്ന
X ബട്ടൺ അമർത്തുകയോ CTRL + ALT കീ അമർത്തുകയോ ചെയ്യുക. ഇങ്ങനെ പ്ലേ ആവുന്ന വീഡിയോ സ്ക്രീൻ പെട്ടന്ന് അപ്രത്യക്ഷമാക്കാനായി CTRL + ESC കീ അമർത്തുക. ഇതോടെ വീഡിയോ സ്ക്രീനിൽ നിന്ന് കാണാതാവുകയും ഓഡിയോ മ്യൂട്ട് സ്റ്റേജിലേയ്ക്ക് മാറുകയും ഡബിൾ വിഷൻ ബ്രൌസറിന്റെ ഐകോൺ ടാസ്ക് ബാറിൽ നിന്ന് അപ്രത്യക്ഷമാവുകയും ചെയ്യും. ഈ കീകൾ ഒന്നുകൂടി അമർത്തിയാൽ ബ്രൌസറിനെ വീണ്ടും സ്ക്രീനിലേയ്ക്ക് തിരിച്ചുകൊണ്ടുവരാം.

ഈ പോസ്റ്റ് തയാറാക്കുമ്പോൾ ഞാൻ കണ്ടുകൊണ്ടിരുന്ന ഒരു വീഡിയോയുടെ സ്ക്രീൻഷോട്ട് ഇവിടെ കാണാം.

ഡിസ്ക്ലെയിമർ:
ഇതുമൂലമുണ്ടാകുന്ന എല്ലാവിധ കഷ്ട നഷ്ടങ്ങൾക്കും നിങ്ങൾ തന്നെയായിരിക്കും ഉത്തരവാദി. ജോലി പോയാൽ എന്നെ പറഞ്ഞിട്ട് കാര്യമില്ലെന്ന് സാരം.

എത്ര തരം ‘വെയറുകൾ‘ അറിയാം ?

2009-06-16T02:15:00.000-07:00

സോഫ്റ്റ്വെയറുകളുമായി ബന്ധപ്പെട്ട് ഒരുപാട് ‘വെയറുകൾ’ നമ്മളിൽ പലരും കേട്ടുകാണും.

ഫ്രീവെയർ,ഷെയർവെയർ,ഡെമോവെയർ ഇതൊക്കെ സാധാരണ എല്ലാവർക്കും പരിചിതമായ സോഫ്റ്റ്വെയർ വകഭേദങ്ങളാണ്. എന്നാൽ കേൾക്കാൻ സാധ്യതയില്ലാത്ത ചില വെയറുകളിതാ...

1. അബാൻഡൺ‌വെയർ (Abandonware) - ഇപ്പോൾ വിപണനത്തിൽ ഇല്ലാത്തതോ സപ്പോർട്ട് നിർത്തലാക്കിയതോ അതുമല്ലെങ്കിൽ കോപ്പിറൈറ്റ് ഉടമസ്ഥർ ആരെന്നറിയാത്തതോ ആയ സോഫ്റ്റ്വെയർ പ്രോഗ്രാമുകളെ സൂചിപ്പിക്കുവാൻ ഈ വാക്ക് ഉപയോഗിക്കാറുണ്ട്. പഴയ കമ്പ്യൂട്ടർ ഗെയിമുകളുമായി ബന്ധപ്പെടുത്തിയാണ് ഇത് കൂടുതലും ഉപയോഗിച്ച് കാണുന്നത്.

2. കെയർവെയർ (Careware) - സോഫ്റ്റ്വെയറിനു പകരമായി ജീവകാരുണ്യ പ്രവർത്തങ്ങൾക്ക് ഡൊണേഷനുകൾ സ്വീകരിക്കുന്നവയെ ഈ പേരിൽ വിളിക്കാം. ഇത്തരം സഹായങ്ങൾ നേരിട്ട് ഏതെങ്കിലും ട്രസ്റ്റുകൾക്കോ സ്ഥാപങ്ങൾക്കോ നൽകിയതിന്റെ രേഖയായിരിക്കും ഇത്തരം സോഫ്റ്റ്വെയർ നിർമ്മിക്കുന്നവർ ആവശ്യപ്പെടുക.

3. ഡൊണേറ്റ്വെയർ (Donateware) - പ്രോഗ്രാം കൈമാറുന്നതിനു പകരമായി പ്രോഗ്രാമർക്കോ അല്ലെങ്കിൽ അയാൾ ആവശ്യപ്പെടുന്ന ഒരു വ്യക്തിക്കോ സ്ഥാപനത്തിനോ ( നോൺ-പ്രോഫിറ്റ്) സംഭാവന നൽകേണ്ട ലൈസൻസിങ്ങ് രീതിയാണിത്. നിയതമായ ഒരു നിയമമൊന്നും സോഫ്റ്റ്വെയറിന്റെ വില നിർണ്ണയത്തിൽ ഇല്ല. രണ്ടുപേർക്കും സമ്മതമായ ഒരു തുക അംഗീകരിക്കാറാണ് പതിവ്.

4. ക്രിപ്പിൾവെയർ (Crippleware) - ഫ്രീവെയറുകളെപ്പോലെ തന്നെ തികച്ചും സൌജന്യമായി വിതരണം ചെയ്യുന്ന എന്നാൽ പ്രധാനപ്പെട്ട ഫീച്ചറുകളൊന്നും ലഭ്യമല്ലാത്ത (ലിമിറ്റഡ്) പ്രോഗ്രാമുകളാണ് ഈ പേരിൽ അറിയപ്പെടുന്നത്. പ്രോഗ്രാമിന്റെ ലഭ്യമല്ലാത്ത ഫീച്ചറുകൾക്കായി പൈസ ഈടാക്കുകയാണ് പതിവ്. തികച്ചും സൌജന്യമായി നൽകാതെ തന്നെ പോപ്പുലാരിറ്റി വർദ്ധിപ്പിക്കുവാനായി പല പ്രോഗ്രാമുകളും ഈ ലൈസൻസിങ്ങ് രീതി ഉപയോഗിക്കാറുണ്ട്. ഒരിക്കൽ
പ്രശസ്തമായാൽ ഉപഭോക്താക്കൾ തിരിച്ചുവരും എന്ന മാർക്കറ്റിങ്ങ് തന്ത്രമാണ് ഇതിനു പിന്നിൽ. മൈക്രോസോഫ്റ്റിന്റെ വിൻഡോസ് 7 ഇതിനൊരു ഒന്നാന്തരം ഉദാഹരണമാണ്.

5. ഈ-മെയിൽ‌വെയർ (E-mailware) - ഒരു ‘ഹലോ’ സന്ദേശം അടങ്ങിയ ഈ-മെയിൽ മാത്രം പ്രതിഫലമായി ആവശ്യപ്പെടുന്ന പ്രോഗ്രാമുകളാണ് ഈമെയിൽ‌വെയറുകൾ.

6. ഗ്രീൻ‌വെയർ (Greenware) - സോഫ്റ്റ്വെയർ രജിസ്റ്റർ ചെയ്യുന്നതിനായി പ്രകൃതി സംരക്ഷണ പ്രവർത്തനങ്ങളിൽ പങ്കാളികളാവാൻ ഇത്തരം പ്രോഗ്രാമുകളുടെ ഉപജ്ഞാതാക്കൾ ആവശ്യപ്പെടുന്നു.

7. പോസ്റ്റ്കാർഡ്‌വെയർ (Postcardware) - സ്വന്തം കൈപ്പടയിലെഴുതിയ ഒരു പോസ്റ്റ്കാർഡ് പ്രോഗ്രാമറുടെ വിലാസത്തിൽ അയച്ചാൽ മതി ഇത്തരം സോഫ്റ്റ്വെയറുകൾ സ്വന്തമാക്കാൻ.

8. കാറ്റ്വെയർ (Catware) - സോഫ്റ്റ്വെയറിനു പ്രതിഫലമായി ഒന്നോ അതിലധികമോ പൂച്ചകളെ വീട്ടിൽ വളർത്തുവാൻ ആവശ്യപ്പെടുകയാണ് ഈ വിഭാഗത്തിൽ‌പ്പെടുന്ന സോഫ്റ്റ്വെയർ പ്രോഗ്രാമുകൾ. (സോഫ്റ്റ്വെയർ വാങ്ങുന്ന ആൾ തന്നെ വളർത്തിയാൽ മതി :) )

9. ബിയർവെയർ (Beerware) - സോഫ്റ്റ്വെയർ സൌജന്യമായി നൽകുന്നതിനു പകരം ഒരു ബോട്ടിൽ ബിയർ പ്രതിഫലമായി ആവശ്യപ്പെടുന്ന (വെറും ഒരെണ്ണം !) തരം പ്രോഗ്രാമുകൾ ഈ പേരിൽ അറിയപ്പെടുന്നു.

10. സിസ്റ്റർവെയർ (Sisterware) - വാങ്ങുന്നയാളിന്റെ (അവന്റെ / അവളുടെ ) സഹോദരിയെ പരിചയപ്പെടൽ ആണ് ഇത്തരം പ്രോഗ്രാമുകളുടെ ഉപജ്ഞാതാക്കളുടെ ഉദ്ദേശ്യം. സോഫ്റ്റ്വെയർ വാങ്ങുന്ന ആൾ തന്നെ പരിചയപ്പെടുത്തി കൊടുക്കുകയും വേണം. :)

പല പേരുകളിൽ അറിയപ്പെടുന്നുവെങ്കിലും ഇവയിൽ ഭൂരിഭാഗവും ഫ്രീവെയർ,ഷെയർവെയർ ,കൊ മേഴ്സ്യൽ സോഫ്റ്റ്വെയർ വിഭാഗങ്ങളിൽ തന്നെ പെടുത്താവുന്നവയാണ്. മേൽ‌പ്പറഞ്ഞ എല്ലാ ‘വെയറുകളും’ പൊതുവിൽ ‘അദർവെയർ - Otherware' എന്ന പൊതു നാമത്തിലാണ് അറിയപ്പെടുന്നത്.

OneLook - റിവേഴ്സ് ഡിക്ഷ്നറി

2009-06-13T04:22:00.000-07:00

ചിലപ്പോഴെങ്കിലും ചില വാചകങ്ങളുടെ ഒറ്റ വാക്കിനായി തലപുകയ്ക്കാറില്ലേ ? നാക്കിന്റെ തുമ്പത്ത് ഉണ്ട് എന്നാൽ പുറത്തുവരുന്നില്ല എന്ന് പലപ്പോഴും തോന്നാറില്ലേ ?

എന്നാൽ ഇപ്പോൾ ആ പ്രശ്നം പരിഹരിക്കാൻ ഒരു മാർഗമിതാ..

OneLook Reverse Dictionery ഇത്തരം ഒരു സർവീസ് തരുന്ന സൈറ്റാണ്.

900 ത്തിലധികം ഓൺലൈൻ ഡിക്ഷ്നറികളിൽ നിന്നായി അൻപതു ലക്ഷത്തോളം വാക്കുകളുടെ ഒരു സെർച്ച് ഇൻ‌ഡെക്സ് ഈ സൈറ്റിൽ ലഭ്യമാണ്.

ഒരു വാക്കിന്റെ അർഥം മനസിലുണ്ട് എന്നാൽ ആ വാക്ക് ഓർമ്മയിൽ വരുന്നില്ല എന്ന സന്ദർഭത്തിൽ ഓർമ്മയുള്ള ആ അർഥം അധവാ ‘കൺസെപ്റ്റ്’ സെർച്ച് ബോക്സിൽ നൽകി സെർച്ച് ചെയ്യുകയേ വേണ്ടൂ. ഏറ്റവും അനുയോജ്യമായ റിസൾറ്റുകൾ ആദ്യം എന്ന കണക്കിൽ റിസൾട്ട് കാണാവുന്നതാണ്.

ഇത്തരം മറ്റേതെങ്കിലും സൈറ്റുകൾ നിങ്ങൾക്കറിയാമെങ്കിൽ ദയവായി കമന്റിൽ മറ്റുള്ളവർക്കായി പങ്കുവെയ്ക്കുക.

Liberkey - പോർട്ടബിൾ ആപ്ലിക്കേഷനുകൾ

2009-06-10T22:37:00.000-07:00

ഒരു പോർട്ടബിൾ ഹാർഡ് ഡ്രൈവിലോ USB യിലോ ഇൻസ്റ്റാൾ ചെയ്ത് അതിൽനിന്ന് നേരിട്ട് പ്രവർത്തിപ്പിക്കാൻ സാധിക്കുന്ന, ഇരുന്നൂറിലധികം പോർട്ടബിൾ ആപ്ലിക്കേഷനുകളുടെ ഒരു ശേഖരമാണ് Liberkey.

(ഒരു ഇസ്റ്റാളർ പ്രോഗ്രാമിൽ നിന്ന് കമ്പ്യൂട്ടറിന്റെ ഹാർഡ് ഡ്രൈവിലേയ്ക്ക് ഇൻസ്റ്റാൾ ചെയ്തല്ലാതെ പ്രവർത്തിപ്പിക്കുവാൻ സാധിക്കുന്ന പ്രോഗ്രാമുകളെയാണ് പോർട്ടബിൾ പ്രോഗ്രാമുകൾ അധവാ പോർട്ടബിൾ ആപ്ലിക്കേഷനുകൾ എന്ന് പറയുന്നത്. )

ഇന്ന് ഇന്റർനെറ്റിൽ ലഭ്യമായ അനവധി പോർട്ടബിൾ ആപ്ലിക്കേഷനുകളിൽ മികച്ചവ തിരഞ്ഞെടുത്ത് വളരെ ലളിതമായ ഒരു കോമൺ ഇന്റർഫേസിലൂടെ വിവിധ ഗ്രൂപ്പുകളായി അവയെ തരംതിരിച്ച് Liberkey യിൽ അവതരിപ്പിച്ചിരിക്കുന്നു.

സിം‌പ്ലിസിറ്റിയും വളരെ ചെറിയ മെമ്മറി ഫുട്പ്രിന്റുമാണ് (റൺ‌ടൈം) ഈ ആപ്ലിക്കേഷന്റെ എടുത്തുപറയേണ്ട പ്രത്യേകതകൾ. കമ്പ്യൂട്ടർ മേഖലയിലുള്ളവർക്കും സാധാരണ യൂസേഴ്സിനും ഉപകാരപ്രദമായ ഒട്ടനവധി ആപ്ലിക്കേഷനുകൾ ഈ പ്രോഗ്രാമിൽ ഉൾപ്പെടുത്തിയിട്ടുണ്ട്.

പ്രോഗ്രാം ഡൌൺലോഡ് ചെയ്യുന്നതൈനായി സൈറ്റിൽ രജിസ്റ്റർ ചെയ്യേണ്ടത് നിർബന്ധമല്ലെങ്കിലും രജിസ്റ്റർ ചെയ്ത ഉപയോക്താക്കൾക്ക് പ്രോഗ്രാം അപ്ഡേറ്റുകൾ ഇന്റർനെറ്റുവഴി ലഭ്യവുമാണ്.

മൂന്ന് വെർഷനുകളിൽ Liberkey ഡൌൺലോഡ് ചെയ്യാവുന്നതാണ്

1. Liberkey Basic - 28 പ്രോഗ്രാമുകൾ (179MB)

2. Liberkey Standard - 106 പ്രോഗ്രാമുകൾ (410 MB)

3. Liberkey Ultimate - 200‌+ പ്രോഗ്രാമുകൾ - (575 MB)

പ്രോഗ്രാമുകളുടെ ലിസ്റ്റിനായി ഇവിടെക്ലിക്ക് ചെയ്യുക.

വേൾഡ് ഡിജിറ്റൽ ലൈബ്രറി - WDL

2009-06-07T22:57:00.000-07:00

വിവിധ രാജ്യങ്ങളിൽ നിന്നും പല കാലഘട്ടങ്ങളിൽ നിന്നുമായി പ്രശസ്തവും പുരാതനവുമായ ഹിസ്റ്റോറിക് ഡോക്യുമെന്റുകളുടെ ഒരു ഓൺലൈൻ ഡിജിറ്റൽ ലൈബ്രറിയാണ് വേൾഡ് ഡിജിറ്റൽ ലൈബ്രറി അധവാ WDL. ബി.സി 8000 മുതലിങ്ങോട്ടുള്ള പുരാതന മാപ്പുകൾ , ചരിത്ര രേഖകൾ, ആർകിടെക്ചറൽ ഡ്രോയിങ്ങുകൾ, മ്യൂസികൽ നോട്ടുകൾ, ഫോട്ടോഗ്രാഫുകൾ അങ്ങനെ ഒട്ടനവധി സുപ്രധാന രേഖകൾ ഡിജിറ്റൽ രൂപത്തിൽ WDL ൽ ലഭ്യമാണ്.

ചരിത്രാന്വേഷകർക്കും വിദ്യാർഥികൾക്കും സാധാരണക്കാർക്കും ഒരുപോലെ പ്രയോജനപ്രദമായ അറിവുകളുടെ ഒരു കലവറ !!..

14 Giga Pixel ഫോട്ടോ !!!

2009-05-25T23:51:00.000-07:00

ഡിജിറ്റൽ ഫോട്ടോകളിൽ എത്ര ഉയർന്ന റെസല്യൂഷൻ വരെ നിങ്ങൾ കേട്ടിട്ടുണ്ട് ?? 10,12,14 മെഗാ പിക്സൽ ? ഇപ്പോൾ ലഭ്യമാകുന്ന പ്രൊഫഷണൽ കാമറകളിൽ ഉയർന്ന മോഡലുകളിൽ 12.4, 12.8 മെഗാപിക്സൽ വരെയുള്ള ചിത്രങ്ങൾ സാധ്യമാണെന്നാണ് അറിവ്.

എന്നാൽ ചില സ്പെഷ്യൽ മോഡൽ കാമറകൾ ഉപയോഗിച്ച് ഇതിലും ഉയർന്ന റെസല്യൂഷൻ ചിത്രങ്ങൾ സാധ്യമാണ്. ഹാസിൽബ്ലാഡ് H3D മോഡൽ 50മെഗാ പിക്സൽ റെസല്യൂഷൻ, Seitz 6x17 Digital 160 മെഗാ പിക്സൽ !! എന്നീ കാമറകൾ ഉദാഹരണങ്ങളാണ്.

എന്നാൽ ഇവയെ ഒക്കെ കവച്ച് വെയ്ക്കുന്ന ഒരു പുതിയ ടെക്നോളജിയുമായാണ് MadPixel എന്ന കമ്പനി രംഗത്ത് വന്നിരിക്കുന്നത്. ഈ ടെക്നോളജി ഉപയോഗിച്ച് വളരെ ഉയർന്ന റെസല്യൂഷൻ ഫോട്ടോകൾ സാധാരണ DSLR കാമറകൾ ഉപയോഗിച്ച് എടുക്കാവുന്നതാണ്. പ്രത്യേക തരം സോഫ്റ്റ്വെയറിന്റെ സഹായത്തോടെയാണ് ഇതു സാധ്യമാകുന്നത്.

സ്പെയിനിലെ പ്രശസ്തമായ ഫൈൻ ആർട്സ് മ്യൂസിയമായ മാഡ്രിഡ് എൽ പ്രാഡോയിലെ പെയിന്റിങുകൾ ഇപ്പോൾ ഈ നൂതന വിദ്യയിലൂടെ ഡിജിറ്റൈസ് ചെയ്തിരിക്കുന്നു. ഗൂഗിൾ എർത്തിലൂടെ ഇവ ഇപ്പോൾ വീക്ഷിക്കാവുന്നതാണ്. ഏറ്റവും അവിശ്വസനീയമായ കാര്യം എന്തെന്നാൽ ഈ ഫോട്ടോകൾ നൽകുന്ന റെസല്യൂഷൻ ആണ്. 14000 മെഗാ പിക്സൽ അധവാ 14 ജിഗാ പിക്സൽ (!!!!) റെസല്യൂഷനിലാണ് ഈ ഫോട്ടോകൾ ഡിജിറ്റൈസ് ചെയ്തിരിക്കുന്നത്.

ദാ ഇവിടെ ഞെക്കി ഫോട്ടോകൾ കാണുക, അന്തം വിടുക :) (ഗൂഗിൾ എർത്ത് സോഫ്റ്റ്‌വെയർ ഇൻസ്റ്റാൾ ആയിരിക്കണം)

ഒരു പ്രിവ്യൂ ദാ ഇവിടെ കാണാം

ഫയലുകൾ സുരക്ഷിതമായി ഒളിപ്പിക്കൂ

2009-05-18T21:49:00.000-07:00

‌‌‌‌‌‌‌‌‌‌‌‌‌‌‌‌‌‌‌‌‌നിങ്ങൾക്ക് കമ്പ്യൂട്ടറിൽ സ്വകാര്യ ഡാറ്റാ മറ്റുള്ളവരിൽ നിന്നും മറച്ച് വെയ്ക്കുവാനുണ്ടോ ? … എങ്കിൽ നിങ്ങൾക്കുള്ളതാണ് ഈ പോസ്റ്റ്. ഫോട്ടോകൾ, റെസ്യൂമുകൾ, വീഡിയോകൾ അങ്ങനെ പെഴ്സണൽ ആയ ഡാറ്റ വളരെ സുരക്ഷിതമായി സൂക്ഷിക്കുവാൻ സഹായിക്കുന്ന ട്രൂക്രിപ്റ്റ് എന്ന ഒരു സോഫ്റ്റ്‌വെയർ ഒന്ന് പരിചയപ്പെടാം.

ആദ്യമായി ഇവിടെ നിന്നും സോഫ്റ്റ്‌വെയർ ഡൌൺലോഡ് ചെയ്യാവുന്നതാണ്. ഇത് തികച്ചും ഫ്രീ ആയ ഒരു പ്രോഗ്രാമാണ്. ഡൌൺലോഡ് ആയതിനു ശേഷം പ്രോഗ്രാം ഇൻസ്റ്റാൾ ചെയ്യുക. അതിനുശേഷം പ്രോഗ്രാം റൺ ചെയ്യുമ്പോൾ താഴെ കാണിക്കുന്ന വിൻഡോ കാണാവുന്നതാണ്. ഇതിൽ ആദ്യമായി “Create Volume” എന്ന ബട്ടൺ അമർത്തി പ്രോഗ്രാം വിസാർഡ് സ്റ്റാർട്ട് ചെയ്യാവുന്നതാണ്.

ഇനി താഴെ കാണിച്ചിരിക്കുന്ന രണ്ട് വിൻഡോകളിൽ മാർക്ക് ചെയ്തിരിക്കുന്ന ഓപ്ഷനുകൾ തിരഞ്ഞെടുക്കുക്ക (default options).

തുടർന്ന് വരുന്ന സ്ക്രീനിലാണ് ട്രൂക്രിപ്റ്റ് കണ്ടൈനർ ഫയലിന്റെ വിവരങ്ങൾ രേഖപ്പെടുത്തുന്നത്.

ഈ കണ്ടൈനർ ഫയലിൽ ആയിരിക്കും നമ്മൾ നിർമ്മിക്കുന്ന വിർച്വൽ ഡ്രൈവ് അടങ്ങിയിരിക്കുക. “select file” ബട്ടൺ അമർത്തിയ ശേഷം നമ്മൾ എവിടെയാണോ കണ്ടൈനർ ഫയലിൽ സേവ് ചെയ്യുവാൻ ഉദ്ദേശിക്കുന്നത് ആ ലൊക്കേഷൻ ടൈപ്പ് ചെയ്യുക. ഉദാഹരണത്തിന് “c:\hidden.tc” എന്ന് കൊടുത്തിരിക്കുന്നത് ശ്രദ്ധിക്കുക (ഇത് നിങ്ങൾക്ക് ഇഷ്ടമുള്ള ലൊക്കേഷനും ഫയൽ നെയിമും നൽകാവുന്നതാണ്. കണ്ടൈനർ ഫയൽ ഒരു ഫ്ലാഷ് ഡ്രൈവിൽ ആണ് വേണ്ടതെങ്കിൽ ആ ഡ്രൈവ് ലെറ്റർ നൽകിയ ശേഷം ഒരു ഫയൽ നെയിം കൊടുക്കുക).

“Next” അമർത്തി എൻ‌ക്രിപ്ഷൻ ഓപ്ഷൻ സ്ക്രീനിൽ വരുക.

അതിൽ വന്നിരിക്കുന്ന ഓപ്ഷനുകളിൽ മാറ്റം വരുത്തേണ്ട ആവശ്യം ഇല്ല. വീണ്ടും next അമർത്തി വിർച്വൽ ഡ്രൈവിന്റെ ഫയൽ സൈസ് സെറ്റ് ചെയ്യുന്ന സ്ക്രീനിൽ വന്ന് ആവശ്യമുള്ള സൈസ് കൊടുക്കുക. ഉദാഹരണമായി താഴെ കാണുന്ന സ്ക്രീൻ ശ്രദ്ധിക്കുക. (1 GB).

അടുത്ത വിൻഡോയിൽ പാസ്‌വേർഡ് കൊടുക്കാവുന്നതാണ്.

ഇതിൽ കൊടുക്കുന്ന പാസ്‌വേർഡ് മറക്കാതിരിക്കാൻ പ്രത്യേകം ശ്രദ്ധിക്കുക. കഴിവതും സ്ട്രോങ്ങ് ആയ ഒരു പാസ്‌വേർഡ് തിരഞ്ഞെടുക്കുവാൻ ശ്രമിക്കുക.

സ്ട്രോങ്ങ് പാസ്‌വേർഡ് നിർമ്മിക്കുവാനായി ഈ സൈറ്റുകളുടെ സഹായം തേടാവുന്നതാണ്
1. https://passpub.com
2. http://www.passwordchart.com

അടുത്ത സ്ക്രീനിൽ പ്രോഗ്രാം നിങ്ങളോട് മൌസ് സ്ക്രീനിൽ അവിടവിടെയായി ചലിപ്പിക്കുവാൻ ആവശ്യപ്പെടും.

ഇപ്രകാരം ചെയ്യുന്നത് ഒരു റാൻഡം എൻക്രിപ്ഷൻ കീ നിർമ്മിക്കുവാൻ പ്രോഗ്രാമിനെ സഹായിക്കുന്നതിനു വേണ്ടിയാണ്. കൂടുതൽ സമയം മൌസ് ചലിപ്പിക്കുന്നത് കീയുടെ ക്രിപ്റ്റോഗ്രാഫിക് ശക്തി വർദ്ധിപ്പിക്കുവാൻ സഹായിക്കും. അതിനുശേഷം താഴെ കാണുന്ന “Format” ബട്ടൺ അമർത്തി വിർച്വൽ ഡ്രൈവ് ഫോർമാറ്റ് ചെയ്യാവുന്നതാണ്. അൽ‌പ്പ സമയത്തിനകം ഫോർമാറ്റ് പൂർത്തിയാവുകയും അതിനുശേഷം “Exit” ബട്ടൺ അമർത്തി പ്രോഗ്രാമിൽ നിന്ന് പുറത്ത് വരികയും ചെയ്യാവുന്നതാണ്.

ഇത്രയും ചെയ്തു കഴിഞ്ഞാൽ നിങ്ങളുടെ വിർച്വൽ ഡ്രൈവ് തയാറായി എന്ന് പറയാവുന്നതാണ്. ഇനി കമാൻഡ് പ്രോം‌പ്റ്റിൽ ചെയ്യേണ്ടുന്ന ചില ചെറു വിദ്യകൾക്കു ശേഷം നമുക്ക് ഡ്രൈവ് ഉപയോഗിച്ച് തുടങ്ങാവുന്നതാണ്. ഇതിനായി “Start -> Run എടുത്ത് താഴെ കാണുന്ന പോലെ “cmd” എന്ന കമാൻഡ് ടൈപ്പ് ചെയ്ത് “Enter” കീ അമർത്തുക.

തുടർന്ന് വരുന്ന കമാൻഡ് പ്രോം‌പ്റ്റിൽ സ്ക്രീനിൽ കാണിച്ചിരിക്കുന്നതു പോലെ

“attrib c:\hidden.tc +s +h”

എന്ന് എന്റർ ചെയ്ത് എന്റർ കീ അമർത്തുക.
(ഇതിൽ attrib എന്ന കമാൻഡിനു ശേഷം നിങ്ങൾ ഫയൽ സേവ് ചെയ്ത ലൊക്കേഷൻ ആണ് കൊടുക്കേണ്ടത്.)

+s +h എന്നത് ആ ഫയലിനെ സിസ്റ്റം ഹിഡൺ എന്നീ രണ്ട് വിഭാഗങ്ങളിലേയ്ക്ക് മാറ്റുന്നതിനു വേണ്ടിയാണ്. ഇപ്രകാരം ചെയ്തു കഴിഞ്ഞാൽ ഈ ഫയൽ ഹിഡൺ ആയി മാറുകയും “Show all hidden files” എന്ന സിസ്റ്റം സെറ്റിങ്ങ് എനേബിൾ ആക്കിയാൽ പോലും കാണാൻ പറ്റാത്ത രീതിയിലേയ്ക്ക് മാറ്റപ്പെടുകയും ചെയ്യും.

“attrib c:\hidden.tc –s –h” എന്ന കമാൻഡിലൂടെ ഫയലിനെ വീണ്ടും പൂർവ സ്ഥിതിയിൽ ആക്കുവാൻ സാധിക്കുന്നതാണ്.

ഇനി വേണ്ടത് ഇപ്പോൾ നമ്മൾ നിർമ്മിച്ച വിർച്വൽ ഡ്രൈവിനെ മൌണ്ട് ചെയ്യുക എന്നതാണ്. അതിനായി വീണ്ടും TrueCrypt പ്രോഗ്രാം റൺ ചെയ്യുക. താഴെ കാണിച്ചിരിക്കുന്ന സ്ക്രീനിൽ കാണിച്ചിരിക്കുന്ന പോലെ ഇഷ്ടമുള്ള ഒരു ഫ്രീ ഡ്രൈവ് ലെറ്റർ തിരഞ്ഞെടുത്ത് നമ്മുടെ വിർച്വൽ ഡ്രൈവ് ഫയലിന്റെ ലൊക്കേഷൻ നൽകി “Mount” എന്ന ബട്ടൺ അമർത്തുക.

ഇത്തരത്തിൽ മൌണ്ട് ചെയ്യുമ്പോൾ ആദ്യം നമ്മൾ തിരഞ്ഞെടുത്ത പാസ്‌വേർഡ് അടുത്ത സ്ക്രീനിൽ എന്റർ ചെയ്യുക.

ഇത്രയും ചെയ്തു കഴിഞ്ഞാൽ താഴെ കാണിച്ചിരിക്കുന്നതു പോലെ നിങ്ങളുടെ പുതിയ ഡ്രൈവിനെ “My Computer” തുറന്നാൽ അവിടെ കാണാവുന്നതാണ്.

ഇനി ഇതിലേയ്ക്ക് ഫയലുകളും ഫോൾഡറുകളും ഒരു സാധാരണ ഡ്രൈവിലേയ്ക്ക് എന്ന പോലെ കോപ്പി ചെയ്യാവുന്നതാണ്. ആവശ്യമുള്ളവ കോപ്പി ചെയ്തു കഴിഞ്ഞാൽ ഉടനെ TrueCrypt പ്രോഗ്രാം തുറന്ന് ഡ്രൈവ് ലെറ്റർ ക്ലിക്ക് ചെയ്ത് താഴെയുള്ള “Unmount” ബട്ടൺ അമർത്തിയാൽ ഡ്രൈവ് ഉടൻ തന്നെ അൺ മൌണ്ട് ആവുകയും MyComputer ൽ നിന്ന് അപ്രത്യക്ഷമാവുകയും ചെയ്യും.

അണ്മൌണ്ട് ചെയ്തുകഴിഞ്ഞാൽ പിന്നെ ഇങ്ങനെ ഒരു വിർച്വൽ ഡ്രൈവ് സിസ്റ്റത്തിൽ ഉള്ളതിന്റെ യാതൊരു തെളിവും സാധാരണ ഗതിയിൽ കാണുകയുമില്ല. ഇനി ഏതെങ്കിലും തരത്തിൽ ആർക്കെങ്കിലും നിങ്ങളുടെ വിർച്വൽ ഡ്രൈവ് ഫയൽ കിട്ടിയെന്നിരിക്കട്ടേ, നിങ്ങളുടെ പാസ്‌വേർഡിന്റെ സഹായമില്ലാതെ ഒരു വിധത്തിലും അതിലെ ഡാ‍റ്റ അവർക്ക് കാണുവാനോ കോപ്പി ചെയ്യുവാനോ സാധിക്കുകയില്ല. ഏത് സമയത്തും നിങ്ങളുടെ ഡാറ്റയ്ക്ക് മിലിട്ടറി ഗ്രേഡ് എൻക്രിപ്ഷൻ ഉണ്ടെന്ന് അർഥം!!..എളുപ്പത്തിൽ ക്രാക് ചെയ്യുവാൻ പറ്റാത്ത ശക്തിയേറിയ ഒരു പാസ്‌വേർഡ് ആണ് നിങ്ങൾ നൽകിയതെങ്കിൽ എല്ലാ തരത്തിലും നിങ്ങളുടെ ഡാറ്റാ സുരക്ഷിതമായി എന്ന് പറയാം.

ഇതുപോലെ ഒരു വിർച്വൽ ഡ്രവ് ഉണ്ടാക്കി നിങ്ങളുടെ ടോപ് സീക്രട്ട് ഫയലുകൾ അതിലേയ്ക്ക് കോപ്പി ചെയ്ത് വെയ്ക്കുക, ആവശ്യമുള്ളപ്പോൾ മാത്രം അതിനെ മൌണ്ട് ചെയ്യുക. ആവശ്യം കഴിഞ്ഞാൽ ഉടനെ അൺ മൌണ്ട് ചെയ്യുക.കഴിയുമെങ്കിൽ ഈ ഫയൽ ഒരു ഫ്ലാഷ് ഡ്രൈവിൽ തന്നെ സേവ് ചെയ്യുക… 100% പ്രൈവസി ഉറപ്പ്

ഫ്രീ ഡാറ്റാ റിക്കവറി ടൂളുകൾ

2009-05-04T21:48:00.000-07:00

കമ്പ്യൂട്ടർ ഉപയോഗിക്കുന്ന ഭൂരിഭാഗം പേരും പലപ്പോഴും നേരിടാറുള്ള ഒരു പ്രശ്നമാണ് ഡാറ്റാ ലോസ്. പല കാരണങ്ങൾ കൊണ്ട് ഇത് സംഭവിക്കാറുണ്ട്. ഹാർഡ് ഡ്രൈവ് തകരാറിലാകുമ്പോഴോ പാർട്ടീഷൻ ടേബിളിൽ എന്തെങ്കിലും കാരണം നിമിത്തം ഉണ്ടാവുന്ന കുഴപ്പങ്ങൾ മൂലമോ അതുമല്ലെങ്കിൽ ഓപ്പറേറ്റിങ്ങ് സിസ്റ്റം ഫയലുകളിൽ തകരാറു സംഭവിക്കുമ്പോഴോ ഒക്കെ ഡാറ്റാ ലോസ് സംഭവിക്കാം. ഇങ്ങനെയുള്ള സന്ദർഭങ്ങളിൽ കമ്പ്യൂട്ടർ പ്രവർത്തിക്കാതിരിക്കുകയും അതിലുള്ള ഫയലുകളും വിവരങ്ങളും ആക്സസിബിൾ അല്ലാതായി മാറുകയും ചെയ്യുന്നു.

ഇത്തരത്തിൽ പ്രവർത്തന ക്ഷമമല്ലാതായ ഒരു കമ്പ്യൂട്ടറിൽ നിന്ന് ഫയലുകളും മറ്റു വിലപ്പെട്ട വിവരങ്ങളും മറ്റൊരു കമ്പ്യൂട്ടറിലേയ്ക്കോ അല്ലെങ്കിൽ വേറൊരു മീഡിയയിലേയ്ക്കോ സുരക്ഷിതമായി മാറ്റുവാൻ സഹായിക്കുന്ന സോഫ്റ്റ്‌വെയറുകളാണ് ഡാറ്റാ റിക്കവറി സോഫ്റ്റ്‌വെയറുകൾ എന്നറിയപ്പെടുന്നത്.

അങ്ങനെയുള്ള ചില ഫ്രീ ടൂളുകളെ പരിചയപ്പെടാം. ഒരു ശരാശരി കമ്പ്യൂട്ടർ ജ്ഞാനമുള്ള ഏതൊരാൾക്കും ഇവ ഉപയോഗിച്ച് നഷ്ടപ്പെട്ട ഫയലുകൾ റിക്കവർ ചെയ്യാവുന്നതാണ്.

PC Recovery Tools - Windows

പ്രവർത്തനക്ഷമമല്ലാത്ത ഒരു കമ്പ്യൂട്ടർ റിപ്പയർ ചെയ്യുവാൻ ആവശ്യമായ എല്ലാ വിധ ടൂളുകളും ഒരുമിച്ച് ഒരു ഒറ്റ പാക്കേജിൽ ലഭ്യമാണെന്നതാണ് ഇതിന്റെ പ്രത്യേകത.
വളരെ പോപ്പുലറായ പലവിധ ഫ്രീ - ഓപ്പൺ സോഴ്സ് ആപ്ലിക്കേഷനുകൾ ഉൾപ്പെടുത്തിയിരിക്കുന്നു.
ഫയൽ റിക്കവറി, ആന്റി വൈറസ്, ആന്റി സ്പൈവെയറുകൾ, സിസ്റ്റം മെയിന്റനൻസ് ടൂളുകൾ എന്നിവ.
സോഫ്റ്റ്‌വെയറുകളുടെ ലിസ്റ്റ് ഇവിടെ കാണാം.

Recuva – Windows

വളരെ യൂസർ ഫ്രെണ്ട്ലി ആയ ഒരു വിൻഡോസ് ഒൺലി റിക്കവറി ആപ്ലിക്കേഷൻ.
ഡിലീറ്റ് ആയ ഫയലുകൾ റിക്കവർ ചെയ്യുവാൻ സഹായിക്കുന്നു.
പാർട്ടീഷൻ ടേബിൾ റിക്കവറി സാധ്യമല്ല.
മാനുവൽ മോഡ്, ഓട്ടോ മോഡുകൾ.
വളരെ സുരക്ഷിതമായി ഫയലുകൾ ഡിസ്ക്കുകളിൽ നിന്ന് നീക്കം ചെയ്യുവാൻ സഹായിക്കുന്ന ഒരു ടൂൾ ഉൾപ്പെടുത്തിയിരിക്കുന്നു.

Restoration – Windows

ഡിലീറ്റ് ആയ ഫയലുകൾ റിക്കവർ ചെയ്യുവാൻ സഹായിക്കുന്നു.
വളരെ ചെറിയ ഫയൽ സൈസ് (400KB) ആയതിനാൽ ഒരു ഫ്ലോപ്പിയിലോ ഫ്ലാഷ് ഡ്രൈവിലോ നിന്ന് പ്രവർത്തിപ്പിക്കാവുന്നതാണ്.
പാർട്ടീഷൻ ടേബിൾ റിക്കവറി സാധ്യമല്ല.

UnDelete Plus – Windows

ഒരു കൊമേർഷ്യൽ എഡിഷൻ ആണെങ്കിലും വളരെ നീണ്ട കാലത്തേയ്ക്ക് ഫ്രീവെയർ ആയി ഉപയോഗിക്കാം.
ഡിലീറ്റ് ആയ ഫയലുകൾ റിക്കവർ ചെയ്യുവാൻ സഹായിക്കുന്നു.
പാർട്ടീഷൻ ടേബിൾ റിക്കവറി സാധ്യമല്ല.

TestDisk – Windows / Linux / Mac

വളരെ പവർഫുൾ ആയ ഒരു ഓപ്പൺ സോഴ്സ് റിക്കവറി ആപ്ലിക്കേഷൻ.
ഡിലീറ്റ് ആയ ഫയലുകൾ റിക്കവർ ചെയ്യുവാൻ സഹായിക്കുന്നു. (FAT,NTFS,ext2 എന്നീ ഫോർമാറ്റുകൾ).
ബൂട്ട് സെക്റ്റർ റിക്കവറി, ബൂട്ട് സെക്റ്റർ റീബിൽഡിങ്ങ്.
FAT, MFT റിക്കവറി.
Ext2,ext3 ഫയൽ റിക്കവറി.

PhotoRec – Windows / Linux / Mac.

കമാൻഡ് മോഡിൽ വർക്കു ചെയ്യുന്ന ഒരു ചെറിയ, എന്നാൽ വളരെ ഫലവത്തായ ഒരു റിക്കവറി ടൂൾ.
പേരു സൂചിപ്പിക്കുന്ന പോലെ ഫോട്ടോകളെ മാത്രമല്ല എല്ലാത്തരം ഫയലുകളേയും റിക്കവർ ചെയ്യാൻ സഹായിക്കുന്നു.
ഡിലീറ്റ് ആയ ഫയലുകൾ റിക്കവർ ചെയ്യുവാൻ സഹായിക്കുന്നു.
പാർട്ടീഷൻ ടേബിൾ റിക്കവറി സാധ്യമല്ല.

Winhex - Windows

ഇത് യഥാർത്ഥത്തിൽ കമ്പ്യൂട്ടർ ഫോറൻസിക്സ്, ഡാറ്റാ റിക്കവറി, ലോ ലെവൽ ഡാറ്റാ പ്രൊസസിങ്ങ് എന്നിവയ്ക്കായി ഉപയോഗിക്കുന്ന ഒരു ഹെക്സ്-എഡിറ്റർ ആണ്.
ഡിലീറ്റ് ആയ ഫയലുകൾ റിക്കവർ ചെയ്യുവാൻ സഹായിക്കുന്നു.
ഡിസ്ക് ക്ലോണിങ്ങ്, ഡ്രൈവ് ഇമേജിങ്ങ്, ബാക്കപ് എന്നിവയ്ക്കായി ഉപയോഗിക്കാം.
കമ്പ്യൂട്ടർ വൈദഗ്ദ്യം ആവശ്യമാണ്.

ഗ്രീസ്മങ്കി

2009-04-22T12:12:00.001-07:00

ഫയർഫോക്സ് വെബ് ബ്രൌസർ ഉപയോഗിക്കുന്നവർക്ക് സുപരിചിതമായ ഒന്നാണ് ഫയർഫോക്സ് എക്സ്റ്റെൻഷനുകൾ. പല ജോലികളും എളുപ്പത്തിലാക്കുവാനും ഓട്ടോമേറ്റ് ചെയ്യുവാനും ഒക്കെ സഹാ‍യിക്കുന്ന ഒട്ടനവധി ആഡ്-ഓണുകൾ നമ്മൾ ഉപയോഗിക്കാറുമുണ്ട്. അത്തരത്തിലുള്ള ഒരു ഫയർഫോക്സ് ആഡ്-ഓൺ എക്സ്റ്റെൻഷനാണ് ഗ്രീസ് മങ്കി. പേരു കേൾക്കുമ്പോൾ അൽ‌പ്പം തമാശ തോന്നുമെങ്കിലും സംഗതി അത്ര നിസ്സാരമല്ല. ഫയർഫോക്സിനെ മറ്റേതൊരു ബ്രൌസറിനേക്കാളും ശക്തനാക്കാൻ പ്രാപ്തമാണ് ഈ കൊച്ചു വിദ്വാൻ. സാധാരണ ആഡ്-ഓണുകൾ ഒരു നിശ്ചിത ജോലി നിറവേറ്റുവാനായി ഡെവലപ്പ് ചെയ്യുന്നവയാണ്. ഉദാഹരണത്തിന് downloadthemall എന്ന ആഡ്-ഓൺ ഫയർഫോക്സിനു വേണ്ടി തയാർ ചെയ്ത ഒരു ഇന്റഗ്രേറ്റഡ് ഡൌൺലോഡ് മാനേജർ ആണ്. സാധാരണ ഒരു ഡൌൺലോഡ് മാനേജർ ചെയ്യുന്ന എല്ലാ ജോലികളും ബ്രൌസറിനുള്ളിൽ തന്നെ നിന്നുകോണ്ട് നിർവഹിക്കാൻ ഇതിനു കഴിയും. എന്നാൽ സാധാരണ ഒരു ആഡ്-ഓണിന്റെ പ്രവർത്തനത്തിനപ്പുറം ബ്രൌസറിനെ ഒരു ഫ്രെയിംവർക്കായി നിർത്തി , യൂസർ സ്ക്രിപ്റ്റുകൾ എന്നറിയപ്പെടുന്ന ചെറിയ പ്രോഗ്രാം യൂണിറ്റുകൾ ഉപയോഗിച്ച് ബ്രൌസറിന്റെ പ്രവർത്തന ശേഷിയേയും പ്രവർത്തന രീതികളേയും മാറ്റി മറിക്കാനും മെച്ചപ്പെടുത്തുവാനും ഗ്രീസ്മങ്കി ഉപയോഗിച്ച് സാധിക്കുന്നതാണ്. കൂടുതൽ വിവരങ്ങൾക്കായി ഗ്രീസ്മങ്കി വിക്കി പേജ് നോക്കുക.

ജാവാ സ്ക്രിപ്റ്റിൽ എഴുതുന്ന ചെറിയ പ്രോഗ്രാമുകളാണ് യൂസർ സ്ക്രിപ്റ്റുകൾ. ഇത്തരം 20 ലക്ഷത്തിലധികം യൂസർ സ്ക്രിപ്റ്റുകളുടെ ഒരു വൻ ശേഖരം ഗ്രീസ്മങ്കി സ്ക്രിപ്റ്റുകളുടെ ഔദ്യോഗിക സൈറ്റ് എന്ന് പറയാവുന്ന www.userscripts.org. എന്ന സൈറ്റിൽ ലഭ്യമാണ്.

നിങ്ങൾക്കിഷ്ടപ്പെട്ട ഒരു വീഡിയോഷെയറിങ്ങ് സൈറ്റിൽ ഒരു ഡൌൺലോഡ് ഫംഗ്ഷണാലിറ്റി ചേർക്കണമെന്നുണ്ടോ , അതല്ലെങ്കിൽ ജീമെയിലിന്റെ യൂസർ ഇന്റെർഫേസ് മാറ്റണമെന്നുണ്ടോ ഇതിനു വേണ്ടി തയാറാക്കിയ സ്ക്രിപ്റ്റ് ഗ്രീസ്മങ്കിയിൽ ആഡ് ചെയ്യുകയേ വേണ്ടൂ.

ഇനി ഗ്രീസ്മങ്കി എങ്ങനെ ഇൻസ്റ്റാൾ ചെയ്യുന്നത് എങ്ങനെ എന്ന് നോക്കാം.

ഇവിടെ നിന്നും ഗ്രീസ്മങ്കി ഡൌൺലോഡ് ചെയ്യാവുന്നതാണ്.

(ഫയർഫോക്സ് ബ്രൌസറിൽ നിന്ന് തന്നെ ഈ URL സന്ദർശിക്കുവാൻ പ്രത്യേകം ശ്രദ്ധിക്കുക.)

സ്ക്രീനിൽ കാണുന്ന Add to Firefox എന്ന ബട്ടണിൽ അമർത്തുക.

തുടർന്ന് വരുന്ന വിൻഡോയിൽ Install Now എന്ന് സെലക്റ്റ് ചെയ്യുക.

തുടർന്ന് പ്രോഗ്രാം ഇൻസ്റ്റാൾ ആവുന്നതാണ്.

ഇനി ഈ വിൻഡോയിൽ കാണുന്ന Restart Firefox എന്ന ബട്ടൺ അമർത്തി ഫയർഫോക്സ് റീസ്റ്റാർട്ട് ചെയ്യുക.

ഫയർഫോക്സ് സ്റ്റാർട്ടായി കഴിഞ്ഞ് താഴെ വലതുവശത്തായി ചെറിയ ഒരു മങ്കി ഫേസ് കാണുകയാണെങ്കിൽ ഗ്രീസ്മങ്കി ഇൻസ്റ്റലേഷൻ പൂർത്തിയായി എന്ന് മനസിലാക്കാം.

ഇനി വേണ്ടത് യൂസർ സ്ക്രിപ്റ്റുകളാണ്. അതിനായി ഇവിടെ ചെന്ന് ആവശ്യമുള്ള സ്ക്രിപ്റ്റ് സെർച്ച് ചെയ്യുക.

സ്ക്രീനിന്റെ വലതുവശത്ത് കാണുന്ന സെർച്ച് ബോക്സ്സിൽ ആവശ്യമുള്ള കീവേർഡ് കൊടുത്ത് സെർച്ച് ചെയ്യാ‍വുന്നതാണ്.

ഇവിടെ ഉദാഹരണത്തിനായി youtube എന്ന കീവേർഡാ‍ണ് ഉപയോഗിച്ചിരിക്കുന്നത്.

തുടർന്ന് സെർച്ച് റിസൾട്ടുകൾ ഈ കാണുന്ന രീതിയിൽ ഡിസ്പ്ലേയിൽ കാണാം.

ഒരു സ്ക്രിപ്റ്റ് തിരഞ്ഞെടുക്കുവാനായി അതിന്റെ വിവരണത്തോടൊപ്പം സെർച്ച് റിസൾട്ടിൽ Installs എന്ന കോളം കൂടി പ്രത്യേകം ശ്രദ്ധിക്കുക. ഒരു സ്ക്രിപ്റ്റിന്റെ പോപ്പുലാരിറ്റി മനസിലാക്കാൻ അതുപകരിക്കും.

ഇനി ഒരു സ്ക്രിപ്റ്റ് സെലക്റ്റ് ചെയ്തുകഴിഞ്ഞാൽ വരുന്ന സ്ക്രീനിൽ Install ബട്ടൺ അമർത്തുക.

തുടർന്ന് വരുന്ന Greasemonkey Installation സ്ക്രീനിൽ വീണ്ടും Install അമർത്തുക.

(Show Script Source എന്ന ബട്ടണമർത്തിയാൽ പ്രസ്തുത സ്ക്രിപ്റ്റിന്റെ ജാവാസ്ക്രിപ്റ്റ് സോഴ്സ്കോഡ് കാണുവാൻ സാധിക്കും)

യൂസർ സ്ക്രിപ്റ്റ് ശരിയായി ഇൻസ്റ്റാൾ ആയാൽ ഈ കാണുന്ന ഒരു മെസേജ് താഴെ സ്റ്റാറ്റസ് ബാറിൽ കാണാം.

ഉദാഹരണത്തിൽ കാണിച്ചിരിക്കുന്ന സ്ക്രിപ്റ്റ് ഇൻസ്റ്റാൾ ചെയ്തതിനു ശേഷം youtube കാണുക.

ഒരു വീഡിയോ ഓപ്പൺ ചെയ്താൽ ഉടൻ തന്നെ വീഡിയോ പാനലിനു മുകളിലായി Download This Video എന്ന ഒരു പുതിയ ലിങ്ക് വന്നതായി കാ‍ണാം. അതിൽ അമർത്തി ആ വീഡിയോ നേരിട്ട് ഡൌൺലോഡ് ചെയ്യാവുന്നതാണ്.

ഇത്തരത്തിൽ ബ്രൌസിങ്ങ് വളരെയധികം രസകരവും ആയാസകരവുമാക്കുന്ന ഒട്ടനവധി യൂസർ സ്ക്രിപ്റ്റുകൾ userscript.org യിൽ ലഭ്യമാണ്.

ചില യൂസർ സ്ക്രിപ്റ്റുകൾ

GoogleTagCloudMaker : ഗൂഗിൾ സെർച്ച് റിസൾട്ടുകളിൽ നിന്ന് ഒരു TagCloud നിർമ്മിക്കുവാൻ ഈ സ്ക്രിപ്റ്റ് സഹായിക്കുന്നു.
MySpace : പേജിലുള്ള Ads, ഫ്ലാഷ് അനിമേഷനുകൾ എന്നിവ ഒഴിവാക്കി പേജുകൾ വേഗത്തിൽ ലോഡ് ചെയ്യുവാൻ ഈ സ്ക്രിപ്റ്റുകൾ ഉപയോഗിച്ച് സാധിക്കുന്നതാണ്.
Facebook : തീമുകൾ മാറ്റുവാനും അഡ്‌വെർട്ടൈസ്മെന്റുകൾ, അനിമേഷനുകൾ എന്നിവ ഒഴിവാക്കുവാനും കൂടാതെ ഓട്ടോമറ്റിക്കായി പേജ് റിഫ്രെഷ് ചെയ്യിക്കുവാനും ഈ സ്ക്രിപ്റ്റുകൾ ഉപയോഗിക്കാം.
RS-Bundle : റാപ്പിഡ് ഷെയർ സൈറ്റിൽ പ്രവർത്തിക്കുന്ന ഒരു സ്ക്രിപ്റ്റ്. ഓട്ടോമറ്റിക്കായി ഫ്രീ ബട്ടൺ പ്രസ് ചെയ്യുക, ഒരു ഡൌൺലോഡ് മാനേജർ ഉപയോഗിച്ച് ഫ്രീ ഡൌൺലോഡ് അനുവദിക്കുക (സാധാരണ ഗതിയിൽ റാപ്പിഡ് ഷെയറിൽ ഫ്രീ ഡൌൺലോഡുകൾ ഡൌൺലോഡ് മാനേജറിലൂടെ ചെയ്യുവാൻ സാധിക്കാറില്ല) ,ഡൌൺലോഡ് തയാർ ആകുമ്പോൾ അലർട്ട് ചെയ്യുക തുടങ്ങിയവയാണ് ഈ സ്ക്രിപ്റ്റിന്റെ ജോലികൾ.
GmailSuperClean : ജീമെയിലിന് ഒരു Web 2.0 ഇന്റർഫേസ് ഫീലിങ്ങ് കൊടുക്കുവാൻ.
RSS & Atom Feed Suscriber Button Generator : ഇനി മുതൽ ഒരു ബ്ലോഗിലോ സൈറ്റിലോ പോകുമ്പോൾ RSS അല്ലെങ്കിൽ Atom ഫീഡുകൾ പേജിൽ തിരഞ്ഞ് സമയം കളയണ്ട. ഈ സ്ക്രിപ്റ്റ് ഒരു പേജിന്റെ ഇടത്‌വശത്ത് മുകളിലായി ഒരു RSS Subscriber ബട്ടൺ പുതുതായി കാണിക്കും.
Likify thing : ഒരു വെബ് പേജിൽ കാണുന്ന ഏതൊരു പ്ലെയിൻ ടെക്സ്റ്റ് ലിങ്കുകളേയും ശരിയായ ലിങ്കുകളാക്കി മാറ്റാൻ ഈ സ്ക്രിപ്റ്റ് സഹായിക്കും. ഉദാഹരണത്തിന് ഒരു പേജിൽ എവിടെയെങ്കിലും blogger.com അല്ലെങ്കിൽ http://blogger.com അതുമല്ലെങ്കിൽ www.blogger.comഎന്നോ ഉണ്ടെന്നിരിക്കട്ടേ ഈ സ്ക്രിപ്റ്റിന്റെ സഹായത്താൽ അവയെല്ലാം തനിയേ http://www.blogger.com എന്നാക്കി മാറ്റി ആയിരിക്കും കാണിക്കുക.
Google MP3 : MP3 ഫയലുകൾ ഉള്ള പേജുകളിൽ ഫയലിന്റെ തൊട്ടടുത്തായി ഒരു Play ബട്ടൺ ഡിസ്പ്ലേ ചെയ്യിക്കുവാൻ ഈ സ്ക്രിപ്റ്റ് ഉപയോഗിക്കാവുന്നതാണ്.

വീണ്ടും ചില ഫ്രീവെയർ / ഓപ്പൺ സോഴ്സ് സോഫ്റ്റ്‌വെയറുകൾ

2009-04-17T01:03:00.000-07:00

ഇത്തവണയും കുറച്ച് ഓപ്പൺ സോഴ്സ് / ഫ്രീവെയർ പ്രോഗ്രാമുകളാണ്. ദൈനം ദിന ഉപയോഗങ്ങൾക്കായി കൂടുതൽ ആവശ്യം വന്നേക്കാവുന്നത് എന്ന് തോന്നിയവയിൽ ചിലത്.

1. Dspeech

ASR (Automatic speech Recognition) ഫങ്ഷൻ ഇന്റഗ്രേറ്റ് ചെയ്ത്ട്ടുള്ള ഒരു TTS (Text to Speach) പ്രോഗ്രാം ആണ് DSpeech. ഒരു ട‌െക്സ്റ്റ് ഫയലിൽ ഉള്ള വിവരങ്ങൾ ഓഡിയോ ആയി മാറ്റുവാൻ ഈ പ്രോഗ്രാം ഉപയോഗിക്കാവുന്നതാണ്. പ്രധാന ഫോർമാറ്റുകളാ‍യ .wma, .mp3 എന്നിവയിലേയ്ക്ക് കൺ‌വെർഷൻ സാധ്യമാണ്.

2. KeePass

ശരാശരി കമ്പ്യൂട്ടർ ഉപയോഗിക്കുന്ന ഒരാൾ ഒരുപാട് യൂസർ നെയിമുകളും പാസ്‌വേർഡുകളും ഓർത്തിരിക്കേണ്ടി വരാറുണ്ട്. വിൻഡോസ്, യാഹൂ, ഇന്റർനെറ്റ് ബാങ്കിങ്, എം എസ് എൻ, ബ്ലോഗർ അങ്ങനെ ഒട്ടനവധി. പാസ്‌വേഡുകൾ മറന്നുപോവുക എന്നത് സാധാരണവുമാണ്. വളരെ സുരക്ഷിതമായി യൂസർ നെയിമുകളും പാസ്‌വേഡുകളും സൂക്ഷിക്കാവുന്ന ഒരു ഓപ്പൺ സോഴ്സ് ആപ്ലിക്കേഷനാണ് KeePass.

3. Unlocker

Cannot delete Folder: Its being used by another person or program.

അല്ലെങ്കിൽ

Cannot delete file. Access is denied

ഫയലുകളോ ഫോൾഡറുകളോ ഡിലീറ്റ് ചെയ്യുമ്പോൾ ഇത്തരം Error മെസേജുകൾ പലപ്പോഴും നിങ്ങൾ കണ്ടുകാണും. ഇത്തരം ഫയലുകളേയും ഫോൾഡറുകളേയും ഡിലീറ്റ് ചെയ്യുവാൻ സഹായിക്കുന്ന ഒരു ഫ്രീവെയർ പ്രോഗ്രാമാണ് Unlocker.

4. CamStudio

വീഡിയോ സ്ക്രീൻ കാപ്ചറിങ്ങിനായി ഉപയോഗിക്കുന്ന ഒരു ഓപ്പൺ സോഴ്സ് ആപ്ലിക്കേഷനാണ് CamStudio. ട്രെയിനിങ്ങ്, ഡെമോ വീഡിയോകൾ ഇതുപയോഗിച്ച് .avi ഫോർമാറ്റിൽ നിർമ്മിക്കാവുന്നതാണ്. Camtasia Studio പോലുള്ള പ്രൊഫഷണൽ ആപ്ലിക്കേഷനുകൾക്ക് ബദലായി ഇത് ഉപയോഗിക്കാവുന്നതാണ്. .

5. MWSnap

സ്ക്രീനിന്റെ പല ഭാഗങ്ങളിൽ നിന്നും സ്റ്റിൽ ഇമേജുകൾ എടുക്കുവാൻ സഹായിക്കുന്ന ഒരു ഫ്രീ പ്രോഗ്രാമാണിത്. മൊത്തം സ്ക്രീൻ, ഒരു പ്രത്യേക വിൻഡോ, ഒരു പ്രത്യേക സ്ക്രീൻ ഏരിയ എന്നിവയിൽ നിന്ന് സ്ക്രീൻ കാപ്ചറിങ് ഇതിൽ സാധ്യമാണ്.

6. HIT Mail Privacy Lite

ഈമെയിൽ സന്ദേശം ഒരു ഫോട്ടോയിൽ ഉൾക്കൊള്ളിച്ച് അയക്കാൻ പറ്റുന്നതിനെ കുറിച്ച് ഒന്ന് ആലോചിക്കുക. വളരെ സീക്രട്ട് ആയി ഇത്തരത്തിൽ ആശയ വിനിമയം നടത്താൻ സാധിക്കുന്ന വളരെ രസകരമായ ഒരു പ്രോഗ്രാമാണിത്. നിങ്ങൾ ഒരു ഫോട്ടോ തിരഞ്ഞെടുക്കുക, ഒരു രഹസ്യ പാസ്‌വേഡ് നൽകുക, രഹസ്യ സന്ദേശം ടൈപ്പ് ചെയ്യുക. സേവ് ചെയ്യുക. നിങ്ങളുടെ രഹസ്യ സന്ദേശം അടങ്ങിയ ഫോട്ടോ തയാർ!. അറ്റാച്ച്മെന്റായി ഈ ഫോട്ടോ അയക്കുക. കൈപ്പറ്റുന്ന ആൾക്ക് ഇതേ പ്രോഗ്രാം ഉപയോഗിച്ച് നിങ്ങളുടെ രഹസ്യ സന്ദേശം ഡീകോഡ് ചെയ്യാവുന്നതാണ്.

7. Belark Advisor

നിങ്ങളുടെ കമ്പ്യൂട്ടറിലെ സോഫ്റ്റ്വെയർ, ഹാർഡ്‌വെയർ എന്നിവയെ കുറിച്ചുള്ള ഒരു വിശദമായ പ്രൊഫൈലിങ്ങ് നടത്തി ഒരു ഓഡിറ്റ് റിപ്പോർട്ട് തയാറാക്കാൻ ഉപയോഗിക്കാവുന്ന ഒരു നല്ല പിസി ഓഡിറ്റ് ടൂൾ ആണ് Belark Advosor. ഇൻസ്റ്റാൾ ചെയ്തിരിക്കുന്ന സോഫ്റ്റ്വെയറുകളുടെ വിവരങ്ങൾ , സെക്യൂരിറ്റി പാളിച്ചകൾ, ഹോട്ട്ഫിക്സുകൾ തുടങ്ങി ഒട്ടനവധി വിവരങ്ങൾ ഓഡിറ്റ് റിപ്പോർട്ടിൽ ലഭ്യമാണ്.

8. NetStat Live

നിങ്ങളുടെ ഇന്റർനെറ്റ് കണക്ഷൻ സംബന്ധിയായ എല്ലാ വിവരങ്ങളും അനലൈസ് ചെയ്യുവാൻ ഉപയോഗിക്കാവുന്ന ഒരു TCP/IP Protocol Monitor Tool ആണിത്. ഇൻ‌കമിങ്ങ്, ഔട്ട്ഗോയിങ്ങ് ഡേറ്റാ റേറ്റ് തുടങ്ങിയ വിവരങ്ങൾ ഇതിൽ ലഭ്യമാണ്.

9. Restoration

ഡിലീറ്റ് ചെയ്യപ്പെട്ട ഫയലുകൾ തിരിച്ചെടുക്കുവാൻ സഹായിക്കുന്ന ഒരു ഫ്രീ റിക്കവറി ടൂൾ ആണിത്. ഫോർമാറ്റ് ചെയ്യപ്പെട്ട ഫ്ലാഷ് ഡ്രൈവുകളിൽ നിന്ന് ഫോട്ടോകൾ തിരിച്ചെടുക്കുവാനും, റീസൈക്കിൾ ബിനിൽ നിന്ന് നീക്കം ചെയ്യപ്പെട്ട ഫയലുകളും റിക്കവർ ചെയ്യുവാനും ഇതുപയോഗിച്ച് സാധിക്കുന്നതാണ്. വളരെ ചെറിയ സൈസ് ആയതിനാൽ ഒരു ഫ്ലോപ്പിയിൽ നിന്നുവരെ ഇത് പ്രവർത്തിപ്പിക്കാവുന്നതാണ്.

10. TruCrypt

സേവ് ചെയ്യുന്ന എല്ലാ ഫയലുകളും ഓട്ടോമാറ്റിക്ക് ആയി എൻ‌ക്രിപ്റ്റ് ചെയ്യുന്ന ഒരു ഡ്രൈവ് ഉണ്ടായിരുന്നെങ്കിൽ എന്ന് ചിലരെങ്കിലും ആഗ്രഹിച്ചുകാണും . TrueCrypt എന്ന ഈ സോഫ്റ്റ്വെയർ ഉപയോഗിച്ച് അത്തരത്തിൽ ഒരു ഡ്രൈവ് സാധ്യമാണ്. ഇതുപയോഗിച്ച് ഒരു ഫയലിനുള്ളിൽ വിർച്യൽ ആയ ഒരു ഡ്രൈവ് ഉണ്ടാക്കുവാനും അതിനെ ഒരു സാധാരണ ഡ്രൈവ് എന്ന പോലെ മൌണ്ട് ചെയ്യുവാനും സാധ്യമാണ്. ഈ ഡ്രൈവിലേയ്ക്ക് സേവ് ചെയ്യുന്ന ഫയലുകൾ തനിയേ എൻക്രിപ്റ്റ് ചെയ്യപ്പെടും. ഈ ഫയലുകൾ ഒരു പാസ്‌വേഡ് അല്ലെങ്കിൽ ഒരു കീ ഉപയോഗിച്ച് മാത്രമേ തുറക്കുവാൻ സാധിക്കുകയുള്ളൂ.

11 വിവിധോദ്ദേശ്യ ലിനക്സുകൾ

2009-04-09T01:38:00.000-07:00

ലിനക്സിനേയും ഓപ്പൺ സോഴ്സിനേയും കുറിച്ച് സാധാരണക്കാർക്കിടയിൽ സാമാന്യ അവബോധം ഉണ്ടാക്കിയെടുക്കുക എന്നത് അത്ര നിസ്സാരമായ ഒരു കാര്യമല്ല. ചിരപരിചിതമായ വിൻഡോസിന്റെ ഹാങ്ങോവറിൽ നിന്ന് ഒരു മാറ്റം ആർക്കും അത്ര എളുപ്പവുമല്ല. ലിനക്സിനെ കുറിച്ച് സാധാരണക്കാർക്കുള്ള ഒരു പേടി അത് ടെക്നിക്കൽ എക്സ്പർട്ടൈസ് ഉള്ളവർക്ക് മാത്രമുള്ള ഒന്നാണെന്നും അതത്ര എളുപ്പം വഴങ്ങില്ല എന്നതുമാണ്. എന്നാൽ ആ കാലമൊക്കെ അവസാനിച്ചിരിക്കുന്നു എന്നതാണ് യാഥാർത്ഥ്യം. പല മേഖലകളിലും ഇന്ന് ലിനക്സ് വിൻഡോസിനെ കവച്ച് വെച്ചിരിക്കുന്നു. റിലയബിലിറ്റി അധവാ സ്ഥിരത എന്ന വാക്കിന്റെ പര്യായമായി മാറിയിരിക്കുന്നു പുതു തലമുറയിലെ പല ലിനക്സ് ഡിസ്ട്രോകളും. ലോകമെമ്പാടും സെർവറുകളുടെ മാർക്കറ്റിൽ ഇന്ന് വിൻഡോസിനൊപ്പമോ അതിനേക്കാൾ മുകളിലോ ആണ് ഇന്ന് ലിനക്സിന്റെ സ്ഥാനം. എന്തിന് ഒരു ഡെസ്ക്ടോപ് കമ്പ്യൂട്ടറിലെ ലിനക്സ് ഇൻസ്റ്റലേഷൻ വരെ ഇന്ന് വിൻഡോസിനേക്കാൾ എളുപ്പമായിരിക്കുന്നു. കമ്പ്യൂട്ടർ പ്രവർത്തിപ്പിക്കാനറിയാവുന്ന ഏതു സാധാരണക്കാരനും ഒരു ബുദ്ധിമുട്ടും ഇല്ലാതെ തന്നെ സ്വന്തമായി ചെയ്യാവുന്ന ഒന്നായി മാറിയിരിക്കുന്നു ഇന്നത്. ലിനക്സിനെ കുറിച്ച് കൂടുതൽ അറിയുവാനും അത് പരീക്ഷിച്ച് നോക്കുവാനും താല്പര്യപ്പെടുന്നവർക്കായി കുറച്ച് ഡിസ്ട്രിബ്യൂഷനുകളെ ഇവിടെ അവതരിപ്പിക്കുന്നു.

ലിനക്സിന്റെ ആയിരത്തിലധികം വിവിധ ഡിസ്ട്രിബ്യൂഷനുകൾ ഇന്ന് നമുക്ക് ലഭ്യമാണെന്നതാണ് കണക്കുകൾ. ഒരു പ്രത്യേകത, ഇത്തരത്തിൽ ഉള്ള പല ഡിസ്ട്രിബ്യൂഷനുകളും ഒരു നിശ്ചിത തരം ഉപയോഗത്തിനായി നിർമ്മിച്ചവയാണ് എന്നതാണ്. നിങ്ങൾ ഒരു വിദ്യാർഥിയോ, അദ്ധ്യാപകനോ, ഡിസൈനറോ, സിസ്റ്റം അഡ്മിനിസ്ട്രേറ്ററോ അതോ ഒരു പ്രത്യേക മത വിശ്വാസിയോ ആയിക്കൊള്ളട്ടേ നിങ്ങൾക്കായി ഒരു ഡിസ്ട്രിബ്യൂഷൻ ലിനക്സിൽ തീർച്ചയായും ലഭ്യമാണ്. ഇതു തന്നെയാണ് ലിനക്സിന്റെ ഏറ്റവും വലിയ ഗുണങ്ങളിൽ ഒന്നും. ഇത്തരത്തിലുള്ള 11 തരം വ്യത്യസ്ഥ ലിനക്സുകളെ പരിചയപ്പെടാം.

ഇതിന്റെ ഉദ്ദേശ്യം വിവിധ ലിനക്സ് ഡിസ്ട്രോകളിൽ നിന്ന് മികച്ചവയെ കണ്ടെത്തുക എന്നതല്ല, മറിച്ച് വിവിധ മേഖലകളിലെ ഉപയോഗങ്ങൾക്കായി പ്രത്യേകം തയാറാക്കിയവയിൽ നിന്ന് ഏറ്റവും പ്രധാനപ്പെട്ടവ എന്ന് തോന്നിയവയെ നിങ്ങൾക്ക് പരിചയപ്പെടുത്തുകയാണ്. ഈ ലിസ്റ്റിൽ ഉൾപ്പെടാതെപോയ എന്നാൽ നിങ്ങൾക്കറിയാവുന്നവ മറ്റുള്ളവർക്കായി തീർച്ചയായും പങ്കുവെയ്ക്കുക.

1. Qimo

കുട്ടികൾക്കായി (3+) കളിക്കാനും പഠിക്കാനുമുള്ള അനവധി ഫ്രീ സോഫ്റ്റ്‌വെയറുകൾ ഉൾപ്പെടുത്തിയ ഒരു മികച്ച ഡിസ്ട്രോയാണിത്… കുട്ടികൾ ഉള്ളവർ ദയവായി ഒരിക്കലെങ്കിലും ഒന്നു പരീക്ഷിച്ച് നോക്കുക. ചെറിയ പ്രായത്തിലേ കുട്ടികൾക്ക് ലിനക്സിനോട് ഒരു ആഭിമുഖ്യം വളർത്താൻ ഇതുപകരിക്കും.

2. Edubuntu

സ്കൂളുകൾക്കും ക്ലാസ്‌റൂമുകൾക്കുമായി നിർമ്മിക്കപ്പെട്ട ഒരു ഡിസ്ട്രോയാണ് ഇത്.

3. Parted Magic

നോർട്ടൺ പാർട്ടീഷൻ മാജിക്ക് എല്ലാവർക്കും പരിചിതമായ ഒരു പേരാണ്. അതേ ജോലി മികച്ച രീതിയിൽ ചെയ്യുന്ന ഒരു ആൾട്ടർനേറ്റീവാണ് Parted Magic. ഇതിൽ ഒട്ടനവധി ഫ്രീ ഡ്രൈവ് റിപ്പയർ ടൂളുകൾ ഉൾപ്പെടുത്തിയിരിക്കുന്നു. ഇതൊരു ലൈവ് സിഡി ആയിട്ടാണ് ഡിസൈൻ ചെയ്തിരിക്കുന്നത്.

4. Scientific Linux

രണ്ട് പ്രസിദ്ധ റിസർച്ച് സംവിധാനങ്ങളായ ഫെർമിലാബിന്റേയും CERN ന്റേയും ഒരു സംയുക്ത സംരഭമയി റെഡ്‌ഹാറ്റ് ലിനക്സ്നിന്റെ ഒരു വേരിയേഷൻ ആയാണ് ഇതു നിർമ്മിച്ചിരിക്കുന്നത്.പേരു സൂചിപ്പിക്കുന്നതുപോലെ തന്നെ ശാസ്ത്ര കുതുകികളായ ആളുകൾക്കും സ്ഥാപനങ്ങൾക്കും അനുയോജ്യമായ ഒരു ഡിസ്ട്രോയാണ് scientific linux. ഇനി നിങ്ങൾ Debian/Ubuntu വിൽ പരിചയമുള്ള ഒരാളാണെങ്കിൽ പരീക്ഷിക്കാവുന്ന ഒന്നാണ് Scibuntu.

5. BackTrack

കമ്പ്യൂട്ടർ, ഇന്റർനെറ്റ് സെക്യൂരിററ്റി മേഖലകളിൽ ചെയ്യുന്ന ഒരു പ്രധാന സംഗതിയാണ് പെനിട്രേഷൻ ടെസ്റ്റിങ്ങ്. ഇത്തരം കാര്യങ്ങൾക്കായി ലിനക്സ് ഡിസ്ട്രോകളാണ് സാധാരണയാ‍യി ഉപയോഗിക്കാറുള്ളത്. ഇവയിൽ ഏറ്റവും പോപ്പുലറായ ഒരു ഡിസ്ട്രോയാണ് ബാക്ട്രാക്ക് അധവാ BT. മുന്നൂറിലധികം ടെസ്റ്റിങ്ങ് സോഫ്റ്റ്‌വെയറുകൾ ഇതിൽ ഉൾപ്പെടുത്തിയിട്ടുണ്ട്. ഇതൊരു ലൈവ് സിഡി ആയതിനാൽ ഇൻസ്റ്റാൾ ചെയ്യാതെ തന്നെ സിഡിയിൽ നിന്ന് പ്രവർത്തിപ്പിക്കാവുന്നതാണ്. BTയുടെ പുതിയ വേർഷൻ Ubuntu വിലേയ്ക്ക് മാറ്റിയിട്ടുണ്ട്.

6. Ubuntu – CE / Ubuntu ME

a. ക്രിസ്ത്യൻ എഡിഷൻ - പാരന്റൽ കണ്ട്രോളു ക്രിസ്റ്റ്യൻ ഫ്രണ്ട്ലി ആപ്ലിക്കേഷനുകളും പ്രീ ഇൻസ്റ്റാൾ ആയി വരുന്ന ഉബുണ്ടുവിന്റെ വേറൊരു ഫ്ലേവർ.

b. ഇസ്ലാമിക എഡിഷൻ - ഉബുണ്ടുവിന്റെ ഇസ്ലാമിക സോഫ്റ്റ്‌വെയറുകൾ (നിസ്കാര സമയം, ഖുർ‌ആൻ പഠന സഹായികൾ, പാരന്റൽ കണ്ട്രോൾ എന്നിവ) എന്നിവ പ്രീ ഇൻസ്റ്റാൾ ചെയ്ത ഫ്ലേവർ.

7. Clonezilla

നോർട്ടൺ ഗോസ്റ്റ് പോലുള്ള ഡിസ്ക് ക്ലോണിങ്ങ് ടൂളുകൾക്ക് പകരമായി ഉപയോഗിക്കാവുന്ന ഒരു മികച്ച ഡിസ്ട്രിബ്യൂഷനാണിത്.

8. Ubuntu Studio

ഉബുണ്ടുവിന്റെ വേറൊരു ഫ്ലേവറാണിത്. ഓഡിയോ വീഡിയോ ഗ്രാഫിക് ആപ്ലിക്കേഷനുകൾക്കാണ് ഇതിൽ പ്രാമുഖ്യം. ലിനക്സ് ലോകത്തെ ഏറ്റവും പ്രചാരമുള്ളതും മികച്ചതുമായ ഓപ്പൺ സോഴ്സ് ആപ്ലിക്കേഷനുകൾ ഇതിൽ ലഭ്യമാണ്. ഡിസൈനേഴ്സ് ശ്രദ്ധിക്കുക

9. SystemRescueCd

ട്രബിൾഷൂട്ടിങ്ങ്, റിപ്പയറിങ്ങ്, റിക്കവറി എന്നിവയ്ക്കായി ഉപയോഗിക്കാവുന്ന, എതൊരു സിസ്റ്റം അഡ്മിനിസ്ട്രേറ്റർക്കും ഒഴിച്ചുകൂടാനാവാത്ത ഒരു ഡിസ്ട്രോയാണിത്.

10. linuX-gamers

വളരെ പോപ്പുലറായ ലിനക്സ് ഗെയിമുകൾ പ്രീ ഇൻസ്റ്റാൾ ആയി വരുന്ന, ഒരു ഡിസ്ട്രോ. ഇൻസ്റ്റലേഷൻ ആവശ്യമില്ല. നേരിട്ട് സിഡി ഇട്ട് പ്രവർത്തിപ്പിക്കാം.

11. Mythbuntu

മൈക്രോസോഫ്റ്റ് വിൻഡോസ് മീഡിയാ സെന്റർ എഡിഷനു പകരമായി ഉപയോഗിക്കാവുന്ന ഒരു ഉബുണ്ടു ഫ്ലേവർ.

കടപ്പാട് : www.linuxhaxor.net

ഫ്രീ ഫോട്ടോ എഡിറ്റിങ്ങ് സോഫ്റ്റ്വെയറുകൾ

2009-04-07T00:02:00.000-07:00

ഇമേജ് എഡിറ്റിങിനായി ഉപയോഗിക്കാറുള്ള ഫോട്ടോഷോപ്പ്, ഇല്ലസ്റ്റ്രേറ്റർ, കോറൽ ഡ്രോ എന്നിവയ്ക്ക് ബദലായി ഉപയോഗിക്കാവുന്ന ഫ്രീ വെയർ , ഓപ്പൺ സോഴ്സ് വിഭാഗങ്ങളിൽ വരുന്ന കുറച്ച് ആപ്ലിക്കേഷനുകൾ പരിചയപ്പെടാം.

ഓരോന്നും പ്രവർത്തിപ്പിക്കാവുന്ന ഓപ്പറേറ്റിങ്ങ് സിസ്റ്റങ്ങളും കൂടെ കൊടുത്തിരിക്കുന്നത് ശ്രദ്ധിക്കുക.

ഇൻസ്റ്റാൾ ചെയ്യാവുന്നവ:

01. Artweaver - http://www.artweaver.de/ (Windows)
02. IrfanView - http://www.irfanview.com/ (Windows)
03. Paint.NET - http://www.getpaint.net/ (Windows)
04. Picasa 3 - http://picasa.google.com/ (Windows, Linux, Mac OSX)
05. Pixia - http://www.ne.jp/asahi/mighty/knight/ (Windows)
06. Project Dogwaffle - http://www.dogwaffle.info/ (Windows)
07. TwistedBrush - http://www.pixarra.com/ (Windows)
08. CinePaint - http://www.cinepaint.org/ (Linux, BSD,Unix,Mac OSX)
09. GIMP - http://www.gimp.org/ (Windows, Linux, Mac OSX)
10. KolourPaint - http://www.kolourpaint.org/ (Linux)
11. Krita (KOffice Project) - http://www.koffice.org/krita/ (Linux - KDE)
12. The Usable Image Editor - http://www.nathive.org/ (Linux - GNOME)
13. Pixen 3 - http://opensword.org/pixen/ (Mac OSX)
14. Seashore - http://seashore.sourceforge.net/ (Mac OSX)
15. Tile Studio - http://tilestudio.sourceforge.net/ (Windows)
16. Inkscape - http://www.inkscape.org/ (Windows, Linux, Mac OSX)
17. Tux Paint - http://www.tuxpaint.org/ (Windows, Linux, Mac OSX, BSD)
18. RENDERA - http://www.rendera.net/ (Windows)
19. Image Forge - http://www.cursorarts.com/ca_imffw.html (Windows)
20. Photoscape - http://www.photoscape.org (Windows)
21. Photofiltre - http://photofiltre.free.fr (Windows)
22. Ultimate Paint - http://www.ultimatepaint.com/ (Windows)

വെബ്ബ് വഴി ഓൺലൈനായി ഉപയോഗിക്കാവുന്നവ:

01. Aviary - http://aviary.com/home (try)
02. Picnik - http://www.picnik.com/ (try)
03. Splashup - http://www.splashup.com/
04. Phoneix - http://a.viary.com/
05. Photoshop Express - https://www.photoshop.com/express/
06. Snipshot - http://snipshot.com/
07. flauntR - http://www.flauntr.com/
08. Pic Resize - http://gui.picresize.com/picresize2/
09. Pixenate - http://pixenate.com/
10. FotoFlexer - http://fotoflexer.com/
11. Phixr - http://www.phixr.com/
12. Lunapic - http://www.lunapic.com/editor/
13. ResizeR - http://resizr.lord-lance.com/
14. Dumpr - http://www.dumpr.net/
15. Pictureful - http://pictureful.com/
16. Pixlr - http://www.pixlr.com/ (try)
17. SumoPaint - http://www.sumo.fi/
18. LINB - http://www.stockfreephoto.com/online-image-editor/

പോർട്ടബിൾ യുബണ്ടു

2009-04-06T03:24:00.000-07:00

വിൻഡോസ് ഓപ്പറേറ്റിങ്ങ് സിസ്റ്റത്തിന്റെ ഉള്ളിൽ നിന്ന് ഒരു സാധാരണ ആപ്ലിക്കേഷനെ പോലെ പ്രവർത്തിക്കുന്ന ലിനക്സിന്റെ ഒരു പുതിയ ഫ്ലേവറാണ് പോർട്ടബിൾ യുബണ്ടു. ലിനക്സ് ഒരിക്കലെങ്കിലും ഉപയോഗിച്ച് നോക്കണമെന്ന് ആഗ്രഹമുള്ളവർക്ക് തികച്ചും ഒരു സന്തോഷകരമായ വാർത്ത.

ചില പ്രത്യേകതകൾ:

1. ഏതു കോൺഫിഗറേഷനിലുള്ള കമ്പ്യൂട്ടറിലും പ്രവർത്തിപ്പിക്കാം.
2. 1 GB ക്ക് മുകളിലുള്ള ഏതു ഫ്ലാഷ് ഡ്രൈവിലും ഉൾക്കൊള്ളിക്കാം, അതിൽ നിന്നുതന്നെ പ്രവർത്തിപ്പിക്കാം.
3. പ്രവർത്തിപ്പിക്കുന്ന കമ്പ്യൂട്ടറിന്റെ ലോക്കൽ ഹാർഡ് ഡ്രൈവിലെ ഫയലുകളും ഫോൾഡറുകളും ആക്സസ് ചെയ്യാം, അവയിൽ മാറ്റങ്ങൾ വരുത്താം.
4. ഇൻസ്റ്റാൾ ചെയ്യുന്ന ആപ്ലിക്കേഷനുകൾ ഉൾപ്പെടെ എല്ലാ ഫയലുകളും പോർട്ടബിൾ ആയി കൊണ്ടുനടക്കാം.

താഴെ കാണിക്കുന്ന URL വഴി പോർട്ടബിൾ ലിനക്സ് ഡൌൺലോഡ് ചെയ്യാവുന്നതാണ്.

http://portableubuntu.sourceforge.net/index.php?section=download

(ഇൻസ്റ്റലേഷൻ സംബന്ധിയായി സംശയങ്ങൾ സ്വാഗതം ചെയ്യുന്നു)

ഗൂഗിൾ അഡ്വാൻസ്ഡ് സെർച്ച്

2009-04-02T05:41:00.000-07:00

ഗൂഗ്ഗിൾ ഹാക്കിങ്ങ് കമ്മ്യൂണിറ്റിയിൽ ഡോർക്കുകൾ എന്നറിയപ്പെടുന്ന പ്രീ ഡിഫൈൻഡ് കീ വേർഡുകൾ ഉപയോഗിച്ച് ഗൂഗിൾ സെർച്ചിങ് എളുപ്പത്തിലാക്കാം. ഒരേസമയം രസകരവും വിജ്ഞാനപ്രദവുമായ അവയിൽ പ്രധാനപ്പെട്ട ചില കീവേർഡുകൾ നമുക്ക് പരിചയപ്പെടാം.

ഒരു വാക്കിന്റെ അർത്ഥം ഓൺലൈൻ ഡിക്ഷ്നറികളിൽ കൂടി അറിയണമെങ്കിൽ define: എന്ന കീവേർഡ് ഉപയോഗിക്കാം.
ഉദാ: define:blogger

കറൻസി കൺ‌വർഷനുവേണ്ടി -
ഉദാ: 1 AED IN INR

ഒരു പ്രത്യേക തരം ഡോക്യുമെന്റിനെ മാത്രം സെർച്ച് ചെയ്യുവാൻ - filetype:
ഉദാ: pdf ഫയലുകളെ മാത്രം സെർച്ച് റിസൾട്ടിൽ കിട്ടുവാൻ filetype:pdf Blogging

ഒരു നിശ്ചിത തരം ഡൊമയ്നിൽ മാത്രം സെർച്ച് ചെയ്യുവാൻ - site:
ഉദാ: site:co.in Online Shopping

കാൽകുലേറ്ററായി ഉപയോഗിക്കുവാൻ -

സമയം അറിയുവാൻ -

what time in (City Name or State Name)

മ്യൂസിക് തിരയുവാൻ - music:
ഉദാ: music:Rahman

സിനിമാ സംബന്ധിയായ വിവരങ്ങൾ തിരയുവാൻ - movie:
ഉദാ: movie:Die Hard 4

സാധാരണ ഗതിയിൽ ഉപയോഗിക്കാറുള്ള കുറച്ച് കീവേർഡ്സ് മാത്രമാണ് ഇവിടെ പ്രതിപാദിച്ചിരിക്കുന്നത്..

രസകരമായ കുറച്ച് സൈറ്റുകൾ

2009-04-01T04:09:00.000-07:00

രസകരവും ഉപകാരപ്രദവുമായ കുറച്ച് സൈറ്റുകൾ ആവട്ടെ ഇത്തവണ...

http://www.spokeo.com/
http://www.sumopaint.com/
https://www.qipit.com/pub/home
http://www.photofunia.com/
http://www.kidzui.com/
http://pipl.com/
http://www.avidemux.org/
http://portableapps.com/
http://www.printwhatyoulike.com/
http://www.channelchooser.com/
http://www.logyourrun.com/
http://www.pindream.com/
http://www.fbackup.com/

ഇതുപോലെ എന്തേലും കയ്യിൽ ഉണ്ടേൽ എല്ലാവർക്കുമായി ഷയർ ചെയ്യുക.

മൈക്രോസോഫ്റ്റും ജോർജ് ബുഷും

2009-03-31T04:02:00.000-07:00

മൈക്രോസോഫ്റ്റും ജോർജ് ബുഷും തമ്മിൽ എന്തേലും ബന്ധമുണ്ടോ ????

ഉണ്ടെന്നുതന്നെയാണ് തോന്നുന്നത്.. എന്തായാലും രസകരമായ ഒരു ചെറിയ പരീക്ഷണം.

നോട്ട്പാഡ് തുറന്ന് bush hid the facts എന്ന് റ്റൈപ്പ് ചെയ്ത് ഡെസ്ക്ടോപ്പിൽ bush.txt എന്ന പേരിൽ സേവ് ചെയ്യുക. നോട്ട്പാഡ് ക്ലോസ് ചെയ്യുക. സേവ് ചെയ്ത ഫയലിൽ ഡബിൾ ക്ലിക്ക് ചെയ്ത് ഓപ്പൺ ചെയ്യുക..

എന്താണ് ഇപ്പോൾ കാണുന്നത് ?? എന്താ അവരു തമ്മിൽ എന്തേലും ????

:)

(കുറച്ചുപേർക്കെങ്കിലും ഇതിന്റെ കാരണം അറിയുമായിരിക്കും. )

എല്ലാവർക്കും VPN

2009-03-28T23:48:00.000-07:00

VPN എന്ന ചുരുക്കപ്പേര് ഒരിക്കലെങ്കിലും കേൾക്കാത്തവർ വിരളം.

Virtual Private Network എന്നതിന്റെ ചുരുക്കപ്പേരാണ് VPN. കേൾക്കുമ്പോൾ കുറച്ച് സാങ്കേതികത്വം തോന്നുന്ന ഒരു പ്രയോഗമാണെങ്കിലും സംഗതി വളരെ നിസ്സാരമാണ്. കുറച്ചുകൂടി വിശദമാക്കിയാൽ ഒരു ഓഫീസിലേയോ കോളേജിലേയോ കമ്പ്യൂട്ടറുകളെ തമ്മിൽ ബന്ധിപ്പിക്കാനായി LAN എന്ന ലോക്കൽ ഏരിയാ നെറ്റ്വർക്കുകൾ ഉപയോഗിക്കുന്ന പോലെ, ലോകത്തിന്റെ ഏതു കോണിൽ സ്ഥിതിചെയ്യുന്ന കമ്പ്യൂട്ടറുകളേയും തമ്മിൽ ഇന്റർനെറ്റിലൂടെ ബന്ധിപ്പിച്ച് വളരെ സുരക്ഷിതമായ ഒരു നെറ്റ്വർക്ക് രൂ‍പപ്പെടുത്താൻ ഉപയോഗിക്കുന്ന ഒരു സാങ്കേതിക വിദ്യയാണ് VPN. സുരക്ഷിതം എന്ന് സൂചിപ്പിച്ചത് secured network എന്ന അർഥത്തിലാണ്. ഇത്തരത്തിലുള്ള ഒരു നെറ്റ്വർക്കിലൂടെയുള്ള ആശയ വിനിമയം എന്ക്ര്യ്പ്റെദ് ആയതിനാൽ ഇവ സമ്പൂർണ്ണമായും സുരക്ഷിതം എന്നു തന്നെ പറയാം.

ഉദാഹരണത്തിന് ABC എന്ന കമ്പനിക്ക് കൊച്ചി, കോഴിക്കോട്, കൊല്ലം എന്നിവടങ്ങളിൽ ബ്രാഞ്ചുകളും എല്ലാ ബ്രാഞ്ചിലും ഓരോ ചെറിയ LAN നെറ്റ്വർക്കുകളും ഓരോ നെറ്റ്വർക്കുകളിലും ഒന്നിലധികം കമ്പ്യൂട്ടറുകളും ഉണ്ടെന്ന് സങ്കൽ‌പ്പിക്കുക. സാധാരണ ഗതിയിൽ ഈ മൂന്നു LAN നെറ്റ്വർക്കുകൾക്കും തമ്മിൽ ആശയ വിനിമയം സാധ്യമാവുക കൂടുതലുംഈ-മെയിൽ സംവിധാനത്തിലൂടെയായിരിക്കും. ഈ മൂന്നു നെറ്റ്വർക്കുകളെ തമ്മിൽ ബന്ധിപ്പിച്ച് ഒരു വലിയ നെറ്റ്വർക്ക് രൂപപ്പെടുത്താൻ സഹായിക്കുന്ന സാങ്കേതിക വിദ്യയാണ് VPN. ഒരു വലിയ കമ്പനിയെ സംബന്ധിച്ച് ഇത്തരത്തിൽ ഒരു നെറ്റ്വർക് ഉണ്ടാക്കുക എന്നത് അവരുടെ ബിസിനസ് സംരഭത്തിന്റെ അനുസ്യൂതമായ പ്രവർത്തനതിന് അത്യന്താപേക്ഷിതമായ ഒരു കാര്യം തന്നെയാണ്. പല തരത്തിൽ ഇതു സാധ്യമാണ്. പ്രൊഫഷണൽ ആയി VPN നെറ്റ്വർക്കുകൾ സെറ്റപ്പ് ചെയ്ത് കൊടുക്കുന്ന ഒരുപാട് IT കമ്പനികൾ ഇന്ന് നമ്മുടെ നാട്ടിലുണ്ട്.

എന്നാൽ ഇവയൊക്കെ മുതൽ മുടക്ക് ആവശ്യമായ കാര്യം തന്നെയാണ്. ഇത്തരം പ്രൊഫഷണലുകൾ സാധാരണയായി OpenVPN പോലുള്ള VPN സൊല്യൂഷനുകൾ നമ്മുടെ ആവശ്യത്തിനനുസരിച്ച് configure ചെയ്ത് തരികയാണ് പതിവ്. അതു ചെയ്യുവാനുള്ള experitise സാധാരണ ഗതിയിൽ ഒരു നല്ല പ്രൊഫഷണലിനു മാത്രമേ കാണുകയുള്ളൂ.

എന്നാൽ ഇനി ഒന്ന് ആലോചിച്ച് നോക്കുക: ഈ മൂന്ന് LAN നെറ്റ്വർക്കുകളും ഇന്റെർനെറ്റിലൂടെ ഒരു വലിയ നെറ്റ്വർക്ക് എന്നപോലെ (WAN അഥവാ wide area network) ബന്ധിപ്പിക്കുന്നു, അതു ചെയ്യാൻ പോകുന്നതോ ഒരു പ്രൊഫഷണലിന്റെ സഹായമില്ലാതെ നിങ്ങൾ തനിയേ.സാധാരണ കമ്പ്യൂട്ടർ പരിജ്ഞാനമുള്ള ഏതൊരാൾക്കും യാതൊരുവിധ ബുദ്ധിമുട്ടുമില്ലാതെ വളരെ എളുപ്പത്തിൽ ഒരു VPN രൂപപ്പെടുത്താൻ പറ്റുക എന്നു വന്നാൽ അതു വളരെ നല്ല ഒരു കാര്യം തന്നെയാണ്.

ഇതുപയോഗിച്ച് നിങ്ങൾക്ക് നിങ്ങളുടെ വീട്ടിലേയും ഓഫീസിലേയും കമ്പ്യൂട്ടറുകളെ തമ്മിൽ ബന്ധിപ്പിക്കാം,

ലോകത്തിന്റെ പല ഭാഗങ്ങളിലിരിക്കുന്ന നിങ്ങളുടെ സുഹ്ര്ത്തുക്കളെ നിങ്ങളുടെ VPN ലേയ്ക്ക് സ്വാഗതം ചെയ്യാം,

മേൽ‌പ്പറഞ്ഞപോലെ ഒന്നിലധികം ലൊക്കേഷനുകളിലുള്ള LAN നെറ്റ്വർക്കുകളെ തമ്മിൽ ബന്ധിപ്പിച്ച് നിങ്ങളുടെ കമ്പനിയെ ഒരൊറ്റ കുടക്കീഴിൽ കൊണ്ടുവരാം.

ഫയലുകൾ കൈമാറാം,

പ്രിന്റർ ഷെയർ ചെയ്യാം (കൊച്ചി ഓഫീസിൽ പ്രിപ്പയർ ചെയ്ത ഒരു വർക്ക് ഓർഡർ നേരിട്ട് നിങ്ങൾ എം.ഡി ഇരിക്കുന്ന കൊല്ലത്തെ ഓഫീസ്സിലെ പ്രിന്ററിലേയ്ക്ക് പ്രിന്റ് ചെയ്യുന്നു !!) ,

ഇൻസ്റ്റന്റ് മെസ്സേജിങ്ങ് സംവിധാനത്തിലൂടെ ഒഫീഷ്യൽ സംഗതികൾ വളരെ സുരക്ഷിതമായി ചാറ്റ് ചെയ്യാം,

റിമോട്ട് ഡെസ്ക്ടോപ് ഷെയർ ചെയ്യാം (കൊച്ചിയിലെ ഓഫീസിൽ ഇരുന്ന്‍കോഴിക്കോട്ടെ റിസെപ്ഷനിലെ കമ്പ്യൂട്ടറിൽ യാഹൂ മെസ്സജർ ഇൻസ്റ്റാൾ ചെയ്യാം) അങ്ങനെ ഒരു LAN നെറ്റ്വർക്കിൽ എന്തൊക്കെ ചെയ്യാമോ അതെല്ലാം .. അതും തികച്ചും സൌജന്യമായി * !!.

ഇത്തരത്തിൽ ഫ്രീവെയർ ആയി നമുക്ക് ലഭ്യമായ ഒരു VPN സൊല്യൂഷനാണ് Comodo EasyVPN.

താഴെക്കാണുന്ന URL പിന്തുടർന്ന് സോഫ്റ്റ്വെയർ ഡൌൺലോഡ് ചെയ്യുക.
- http://download.comodo.com/cevpn/download/setups/CEVPNSetup_XPVista_x32.msi

ദാ ഇവിടെ ഇൻസ്റ്റാൾ ചെയ്യാനുള്ള നിർദ്ദേശങ്ങൾ വിശദമായി പ്രതിപാദിച്ചിരിക്കുന്നു.
- http://easy-vpn.comodo.com/quick_start.html

EasyVPN ന്റെ പ്രത്യേകതകൾ ഇവിടെ ലഭ്യമാണ്
- http://easy-vpn.comodo.com/features.html

NB: 1. * Comodo EasyVPN സ്വകാര്യ ഉപയോഗങ്ങൾക്ക് തികച്ചും സൌജന്യമാണെങ്കിലും കൊമേർഷ്യൽ ഉപയോഗങ്ങൾക്ക് ഫീസ് ആവശ്യമാണ്.

2. സൈറ്റിൽ വിശദമായ ഇൻസ്റ്റാൾ നിർദ്ദേശങ്ങൾ ഉള്ളതിനാൽ കൂടുതൽ അതിനെപ്പറ്റി വിവരിക്കുന്നില്ല. എന്തെങ്കിലും സാങ്കേതിക സഹായം ആവശ്യമെങ്കിൽ ദയവായി അറിയിക്കുക

യാഹു കള്ളം - 2

2009-03-22T22:37:00.000-07:00

കഴിഞ്ഞ ഒരു പോസ്റ്റിൽ അവതരിപ്പിച്ച യാഹൂ സ്റ്റാ‍റ്റസ് ചെക്കർ അൽ‌പ്പം മിനുക്ക് പണികളോടെ
ഓട്ടോമേറ്റ് ചെയ്ത് ഒന്നുടെ പോസ്റ്റുന്നു..

ഒരൽ‌പ്പം സ്ക്രിപ്റ്റ്ങ്ങ് നടത്തി അതിനെ ഒരു ചെറിയ വെബ് പേജാക്കി മാറ്റി.
ഉപയോഗിക്കാൻ കുറച്ചൂടെ എളുപ്പം ആവുമെന്ന് പ്രതീക്ഷിക്കുന്നു..

താഴെ കാണുന്ന URL പിന്തുടരുക.

http://www32.websamba.com/rprtestingsite/ystatus.htm

NB: ഐഡി എന്റർ ചെയ്യുമ്പോൾ @yahoo.com ആവശ്യമില്ല

ഡ്രൈവറുകൾ ബാക്കപ് ചെയ്യാം

2009-03-22T01:49:00.000-07:00

ഹാർഡ്‌വെയർ ഡ്രൈവറുകൾ ബാക്കപ് ചെയ്യുവാൻ വേണ്ടിയുള്ള ഒരു ഫ്രീവെയർ പ്രോഗ്രാമിനെ പരിചയപ്പെടുത്താം.

ഒരിക്കൽ ഇങ്ങനെ ഡ്രൈവറുകൾ ബാക്കപ് ചെയ്തു വെച്ചാൽ പിന്നീട് ഒരു സമയത്ത് കമ്പ്യൂട്ടർ ഫോർമാറ്റ് ചെയ്യേണ്ടി വരികയാണെങ്കിൽ എല്ലാ ഡ്രൈവർ പ്രോഗ്രാമുകളും തിരഞ്ഞ് സമയം പാഴാക്കേണ്ടി വരികയില്ല. ഇങ്ങനെ ബാക്കപ് ചെയ്തത് റീസ്റ്റോർ ചെയ്താൽ മാത്രം മതി.

ആദ്യം താഴെക്കാണുന്ന URL ൽ നിന്ന് പ്രോഗ്രാം ഡൌൺലോഡ് ചെയ്യാവുന്നതാണ്.

http://www.boozet.org/dl.htm?product=dd&mirror=൧

‘Double Driver’ എന്ന ഈ പ്രോഗ്രാം ഉപയോഗിക്കാൻ വളരെ എളുപ്പമായതിനാൽ വിശദമായ ഒരു സാങ്കേതിക വിവരണം ആവശ്യമില്ലെന്നു കരുതുന്നു.

ഏതെങ്കിലും തരത്തിലുള്ള സഹായം ആവശ്യം വരികയാണെങ്കിൽ ദയവായി അറിയിക്കുക.

യാഹൂ കള്ളം - 1

2009-03-19T06:05:00.000-07:00

നിങ്ങളുടെ യാഹൂ ചാറ്റ് ഫ്രണ്ട് നിങ്ങളറിയാതെ ഇൻ‌വിസിബിൾ മോഡിൽ ഇരിപ്പുണ്ടോ ??

ദാ കണ്ടുപിടിക്കാം

താഴെ കൊടുത്തിരിക്കുന്ന URL നേരെ ബ്രൌസറിലോട്ട് പേസ്റ്റ് ചെയ്യുക. u= എന്നതിനു ശേഷംഅവന്റെ അല്ലെങ്കിൽ അവളുടെ യാഹൂ ഐഡി ടൈപ്പ് ചെയ്യുക.

http://opi.yahoo.com/online?u=XXXXXX@symbol&m=g&t=0

ഒരു ഉദാഹരണത്തിന്

എനിക്ക് rpr@yahoo.com എന്ന ഐഡിയുടെ ഇപ്പോഴത്തെ സ്റ്റാറ്റസ് ആണ് അറിയേണ്ടതെങ്കിൽ

http://opi.yahoo.com/online?u=rpr&m=g&t=0

എന്ന് ടൈപ്പ് ചെയതാൽ മതി

കള്ളി വെളിച്ചത്തായി !!!!!!

(ഇതു നേരത്തെ അറിയാവുന്നവർ ദയവായി ക്ഷമിക്കുക)

ഒരു കുഞ്ഞു തുടക്കം

2009-03-16T22:18:00.000-07:00

ഐടി എന്ന എന്റെ തട്ടകത്തിൽ എനിക്കറിയാവുന്ന കൊച്ചുകൊച്ച് അറിവുകളും അറിവില്ലായ്മകളും മറ്റുള്ളവരുമായി പങ്കുവെയ്ക്കാനുള്ള ഒരാശകൊണ്ട് തുടങ്ങിയതാണ്. അനുഗ്രഹിക്കുക.